超夢夢

超夢夢係日本任天堂同埋Game Freak旗下嘅跨媒體製作電視遊戲寵物小精靈系列入面嘅其中一隻虛構小精靈，編號150。身體顏色主要係白色。

超夢夢嘅屬性係超能力，佢冇分男女，冇得生蛋。第六代開始，增加咗一種可以短暫提升自己戰鬥力嘅臨時進化形態，即係超級進化，超夢夢有兩種超級進化，分別係超級超夢夢X同埋超級超夢夢Y，種族值都有成780，同超級烈空坐一樣都屬於種族值最高嘅寵物小精靈之一，佢嘅專屬招式係精神擊破。