超導現象

超導現象係種物理現象，指某啲物質喺溫度足夠低嘅時候，電阻變成0或者極為接近0嘅現象。電阻變成0或者極為接近0嘅同時，物質會出現抗磁性。

關於超導材料轉變時比熱（c_v）同電阻率（ρ）變化關係嘅圖像。

發現超導材料嘅時間線。

發生超導現象嘅物體叫做超導體。

發現

1911年4月8號，尼德蘭科學家海卡·卡默靈·安尼斯（H. K. Onnes）喺用液態氮冷卻汞嘅時候，發現喺溫度低到4.2˚K嘅時候，汞嘅電阻會突然間跌到0。今次係超導現象第一次被人發現。

1933年，德國科學家華特·邁斯納（F. W. Meißner）發現徂超導體嘅抗磁性：物體處於超導狀態嘅時候，自身嘅磁性會跌到0，並且排斥外部磁場，但係如果外部磁場強度勁過臨界值嘅話，物體嘅超導性就會被外部磁場破壞。