超憶症（英文：hyperthymesia）係一種記憶障礙，會令到個患者有異常強嘅自傳式記憶，會係噉醒返起好多－正常人唔會記住嘅－有關自己人生嘅濕碎資訊，而且仲要係一啲濕碎到冇用嘅資訊（例：「我五年前某一日早餐食過啲乜」）。呢啲長期記憶係噉湧入工作記憶會阻礙個患者，搞到佢唔能夠做啲正常嘅記憶作業或者記住一啲真正有用嘅資訊－會對個患者整體嘅認知表現產生負面影響。
