超級馬利奧樂園2: 六個金幣

超級馬利奧樂園2：六個金幣（日文：スーパーマリオランド2 6つの金貨；英文：Super Mario Land 2: 6 Golden Coins）係任天堂1992年10月21號喺Game Boy出嘅超級馬利奧樂園系列作品。華利奧亦喺呢隻遊戲首次出場。

玩

馬利奧嘅基本攻擊重係跳上去敵人上面踩死佢哋。每關要行到終點道門先至算過關，不過唔再限死要向右行，兼且除咗最頭1關以外每關可以玩完再玩。每關中間有一個鐘可以當Check point用，而掂到終點上面個鐘就可以玩小遊戲。

馬利奧攞到蘑菇會變大成「超級馬利奧」；攞到花會變成「Fire Mario」，可以掟火球殺敵；攞到紅蘿蔔會變成「Bunny Mario（バニーマリオ）」，可以喺半空慢慢飛落去；攞到星星可以令自己變成無敵一段時間；攞到心就可以獎一隻；攞到有3字嘅心就可以獎三隻。

成隻遊戲有最頭1關、之後6個地帶30關、同埋最後1關嘅城堡，加埋32關。每個地帶都有一個大佬，每打低一個大佬就可以攞到一個金幣，攞齊六個金幣就入到城堡；不過如果死晒，馬利奧就要由頭打過晒啲大佬去攞金幣。

故仔

超級馬利奧樂園2：六個金幣嘅故仔係超級馬利奧樂園嘅延續。上集宇宙怪物Tatanga奪取Sarasaland同埋捉Daisy公主證實係受華利奧指使，藉此引開馬利奧。而華利奧就乘機搶咗馬利奧座城堡，並將周圍Mario Land嘅住民洗腦，令佢哋當自己係阿頭。馬利奧要喺唔同地帶搵齊6個金幣，再入城堡搶番佢返嚟。

出面網頁

• 超級馬利奧樂園2: 六個金幣嘅官方網站
• 瑪利奧維基超級馬利奧樂園2：六個金幣