超級馬利奧-決擇傳奇

超級馬利奧-決擇傳奇粵拼ciu1 kap1 maa5 lei6 ou3 kyut3 zaak6 cyun4 kei4英文Super Mario Bros. Crossover),第個名係亂入馬利奧lyun6 jap6 maa5 lei6 ou3)或混合界馬利奧wan6 hap6 gaai3 maa5 lei6 ou3);係一部由際帕夫利拿(Jay Pavlina)同澤羅賓臣(Zach Robinson)、馬夫華倫德(Mathew Valente)等一系列嘅人一齊整嘅一部Flash遊戲[1]。入面嘅界面同傳統嘅超級馬利奧紅白機系列差唔多噉,但唔一樣嘅係,入面多咗好多任天堂遊戲公司出嘅紅白機遊戲角色響度,而且重可以玩得,甚至可以換第個界面。呢個遊戲最初喺2010年4月27號率先喺Newgrounds發佈,而家最新版本係2013年12月27號發佈嘅3.1.21版。

敘述 編輯

呢款遊戲嘅曬士先至得唔夠10MB到,但係入面有好多個角色喺馬利奧世界入面猛咁打,而且啲關卡場景、設施、敵人同關界、路線基本上都差唔多。而佢嘅爆機目標都係一樣,就係類似馬利奧系列救返公主噉。

編輯

超級馬利奧-決擇傳奇喺出版初期,際帕夫利拿(Jay Pavlina)同澤羅賓臣(Zach Robinson)、馬夫華倫德(Mathew Valente)等一系列嘅人喺2009年1月分別喺布剌治遊戲音樂網(Blargg's Game Music)度收集咗一系列嘅馬利奧全集音樂同聲效,又喺遊戲入面收集咗一大堆同FC遊戲機版超級馬利奧嘅素材圖返嚟,跟住用咗Adobe Flash CS5嘅ActionScript 3代碼嚟寫咗個遊戲[2]。結果喺15個月之後(2010年4月27號)率先喺Newgrounds發咗出街[3],而且出咗街之後嘅第一日,就收到12000瀏覽量同頁面連續6個鐘頭在線嘅記錄[4],同時重破咗嗰時Newgrounds網站嘅瀏覽量同連續在線嘅紀錄[5]。而呢個遊戲最初嗰時嘅1.0版先至得6位角色揀,直到1.2版先至加咗個SOPHIAⅢ角色入去。

喺2012年2月9號發佈嘅2.0版入面重加咗路易基同巴斯嘅角色[6],同時界面重加咗超馬2代同3代嘅界面圖入去[7]。不過時隔48日(2012年3月29號),澤羅賓臣將呢個遊戲加咗FC超級馬利奧嘅失落關卡地圖同2代地圖入去,同時重加咗一大堆所屬遊戲角色嘅道具入去[8],重宣佈咗係3.0版。

而3.1版嘅下載版出現咗唔可以入去遊戲嘅情況,後嚟作者喺3.1.2版先至修復咗呢個問題。

角色 編輯

呢個遊戲從第一版開始,最先得6個角色;到咗1.2版就變成7個角色;喺2.0版發佈咗之後就變成10位角色。

粵語譯名 遊戲出嘅角色名 遊戲出處 效果同技能
馬利奧 MARIO 超級馬利奧 可以踹怪,攞咗花之後就識發子彈。跳嘅高度一般。
路易基 LUIGI 超級馬利奧 可以踹怪,攞咗花之後就識發子彈。跳嘅高度比較高。
LINK 薩爾達傳說 用嘅係劍攻擊,有定怪功能。攞咗花之後重有遠程攻擊劍技能。佢重有放炸彈或掟飛鏢嘅特殊技能
龍隼 RYU 忍者外傳 劍攻擊,識爬墻。喺有飛鏢嗰時重識發好多種飛鏢都得。
沙麥斯 SAMUS 銀河戰士 發單個炮彈(冇攞道具係短程,攞咗蘑菇係遠距離,攞咗花係大範圍),重有特殊直線射擊功效。
璽民·比爾文迪 SIMON 惡魔城 識二級跳同鞭打嘅技能,有掟嘢道具嘅話重識發動掟嘢攻擊。
洛克人 MEGA MAN 洛克人 發單個炮彈,攞咗蘑菇重識厝氣發射大炮,攞咗花之後重識發射特殊炮彈。跳嘅高度比較矮。
巴斯 BASS 洛克人 發連續炮彈同二級跳,攞咗花之後重識發動特殊技能。跳嘅高度比較高。
比爾賴渣 BILL 魂斗羅 發連續炮彈,攞咗蘑菇係渣級炮彈,攞咗花係勁級炮彈(可以切換炮彈)。
蘇非亞三號 SOPHIA Ⅲ 超惑星戰記 發連續炮彈,攞咗蘑菇係識半佬懸空飛,攞咗花之後重識發三岔或追蹤導彈同黐墻或天花板度行。

編輯

  1. "Credits". 原著喺2014年8月3號歸檔. 喺2015年6月8號搵到.
  2. "Exploding Rabbit Wiki". 原著喺2014年10月24號歸檔. 喺2015年6月8號搵到.
  3. "Exploding Rabbit Website". 2010. 原著喺2010-05-20歸檔. 喺2010-05-26搵到.
  4. "Game release blog". 2010. 原著喺2010-05-24歸檔. 喺2010-05-26搵到.
  5. "Newgrounds page for game". 原著喺2015年6月10號歸檔. 喺2015年6月8號搵到.
  6. Pearson, Craig (2012-02-09). "Mario, Ryu and Bob Too: Super Mario Crossover 2 Out". Rock Paper Shotgun. 喺2012-02-09搵到.
  7. Plunckett, Luke (2012-01-16). "Play Mario as Samus, Simon Belmont and Mega Man. Again!". Kotaku. 喺2012-01-16搵到.
  8. "Official - SMB Special vs. Lost Levels". Exploding Rabbit Forums. 原著喺2014年1月18號歸檔. 喺2015年6月8號搵到.

出面網頁 編輯