越華書院

越華書院（粵拼：jyut6 waa4 syu1 jyun2）係清朝嘅廣州四大書院其中一間，原址喺而家嘅廣州市越秀區越華路嘅布政司後街、廣中路東南側一帶，包括依家廣中路小學嘅部分。嗰度隔籬冇幾遠就係小東營同「三·二九」起義指揮部舊址 。清代廣東唔少嘅文化名人都入過書院任教或求學，好似係王映斗、葉衍蘭、梁躍權、李文田、黃任恆、劉士驥、鄭小谷、劉斌華、陳在謙、潘衍、潘桐、冒廣生、潘飛聲、葉恭綽、澎湃等等。

其中呢度講得嘅係，隔籬冇幾遠嘅越華路就係因為佢先至改咗噉嘅名。

史

其實呢間嘢喺清朝嘅乾隆廿年（1755年）由兩廣總督楊應琚同埋鹽運使範——時紀和，就喺廣州嘅外鹽阜商度一齊捐款出錢起嘅一間嘢。喺嗰時係一間民辦學校，成日嚟招喺廣州住嘅外省仔女讀書。到咗道光十九年（1839年），欽差大臣林則徐嚟咗廣州搞銷煙嗰時就嚟咗呢度霸住。到咗光緒廿七年（1901年），清朝嘅朝廷落咗命令話將舊式書院變成新式學室。結果過咗3年（1904年），由於廣州知府接咗呢間書院就將廣州府學堂搬咗嚟呢度。

原址嘅變遷

到中華民國之後，廣州府中學堂改成咗越華路小學，後尾廣中路都起咗間小學，就多咗個廣中路小學。據中共建政後嘅舊生回憶，大概1955年後入讀嘅時候，書院舊址仲係越華路小學嘅分校，越華書院主要殘餘咗一進大屋，屋中間有個天井，學友仔女就用入邊嘅四個房作課堂。收尾越華書院同越華路小學都冇留低痕跡，仲畀廣中路小學食埋咗。

睇埋

• 越華路 (廣州)
• 小東營

參考資料

主

• 廣州有段古︰ 越華書院 林則徐 廣府中學 金羊網（2011-08-06）
• 古书院湮没了，不妨设块牌 新快网（2011-11-01）
• 越华书院 知识贝壳