山地車

山地車（粵拼：saan1 dei6 ce1），又叫爬山單車、越野單車，係專門畀越野（例如丘陵、路仔，森林同沙地爛石路）用嘅單車。

普通山地車

厚轆版山地車

史

山地車嘅比賽

山地車係由3個美國人——加利費沙、查理克里同湯列茲，喺1974年聯手一齊發明出嚟嘅一部新嘅單車。佢哋發明呢部單車嘅原因係，想要整一部可以喺條公路出面騎到嘅單車，重要避開差人、汽車同建築。而呢部噉嘅車係用咗第二次世界大戰之前發明咗嘅結實單沙灘車入面，裝咗啲摩托車嘅部件同單車嘅配件上去。

呢種單車喺1977年，第一次出現喺美國加州嘅三藩市度。嗰陣有好多踹緊沙灘單車嘅後生仔响座山度成日玩，結果佢就諗到噉嘅嘢：「如估可以喺座山度踹住部單車飛落嚟嘅，肯定實有好嘺嘅。」結果噉諗啫，佢哋就開始嚟整部越野嘅單車喇，而正式改名嗌「山地車」就係1979年嘅事。就係噉，喺呢種單車出咗嚟之後，吸引咗好多單車發燒友嚟買佢。雖然話响歐洲度係最先出現單車嘅，但美國佬發明嘅山地車，就改變嗮一般嘅單車嘅傳統諗法，重喺成個地球度刮咗一埐單車旋風。而世界上最早踹山地車嚟搞越野嘅係詹士芬尼史哥達（James Finley Scott）呢位美國加州大學嘅學生，佢重係全球第一位將普通單車改裝，變成山地車樣嘅人。之後就喺歐美度刮咗埐越野運動旋風，重搞咗個大賽都有。1990年，國際單車協都承認咗呢項運動，就喺1991年嗰陣第一次舉辦咗單車嘅世界盃賽。

優勢

喺山上面踹緊嘅山地車

山地車嘅主要優勢係有以下呢啲嘢：

• 1. 佢有闊嘅輪呔同直嘅柄响度

如估喺闊嘅輪呔度嚟睇，佢重有前後嘅降震功效，騎起身都好舒服下，重有個輪呔度有好多嘅鋸齒嘅輪呔嚟加大地下嘅摩擦同有降震嘅吸收能力。所以喺20世紀90年代初之後，降震就被人睇重咗，所以就猛咁出咗好多降震嘅車。如估喺直嘅柄度嚟睇，有啲山地車係出現咗副柄嘅，而副柄係有角度提升嘅特效，所以就變咗家陣嘅潮流喇。而家喺單車市場度，成日都見到800mm以上嘅橫柄單車喇。

• 2. 佢有大嘅韌度同行起身嗰陣可以逳得比較多嘅嘢

由於佢咁啱得咁嘺就有呢筍嘢，所以喺騎部車嗰陣，就唔使擔心話揀邊條路好唔好行嘅嘢。唔理佢喺橫街窄巷度玩，定係得閒嗰陣嚟踹下，都幾多贊嘅。而騎緊車嘅人重可以喺乜嘢鬼畫符嘅路度，重可以盡量噉享受到好舒服嘅踹車架勢添。

• 3. 佢有實凈、挭操同靚仔嘅樣

由於佢有呢筍嘢、重有好多好靚嘅顏色同比較多優勢嘅踹車性能响度，所以咪好快噉變咗家陣城市入面嘅後生仔，成日嚟趕潮流嘅。

• 4. 佢可以揀唔同嘅變速器都得

佢嘅變速器方面，一般有18速、21速、24速、27速30速、6速、7速、8速、9速、10速、11速、12速、13速、12(2x6)速、14速、16速、18速、20速、22速、24(2x12)速，甚至更多齒比配搭。如估用好個變速器嘅話，可以對付到平地、上落坡、泥路，重有撞風等其它複雜嘅路面同氣候都得，重同一般嘅單車嚟鬥？佢好快噉慳咗好多力添。

• 5. 唔同嘅部件

佢嘅邊個部件同一般嘅單車係唔一樣㗎，山地車唔係一般嘅單車。因為佢係有緩衝嘅作用、重有抗震嘅性能比較好嘅輪呔，加上佢又實淨，重有車架係用咗大嘅韌度料嚟整嘅。而呢啲手把係唔會搞到隻手好癐噉，同埋喺好斜嘅路度都可以控制到車速嘅，所以山地車都啱用嚟爬山同越野、重有郊外旅游都得。

• 6. 啱長時間同長距離踹嘅

由於呢部單車係可以隨時校到速度嘅。如估覺得好慢嘅，可以校個高速；相反，如估覺得好快嘅，可以校個低速都得。如估識點整呢部單車嘅話，踹過山地車嘅感覺就好似個國王噉，雖然話依家成日用嘅交通工具係汽車，但踹過山地車嚟行下大自然度，唔單止可以放鬆個心情，重可以鍛煉到身體添。所以咪變咗依家嘅新休閒道具囉。

構造

呢款單車雖然話睇落去個樣好簡單噉，但話到山地車嘅組件，多到巴閉囉，而且每嚿組件都有佢啱用嘅獨一無二功效，簡直係冇咗個都唔掂。呢度係用咗既可以體育運動又可以用嚟休閒嘅多功能越野單車嚟做介紹嘅：

車架

呢個組件係一部單車入面，最主要嘅架構。佢係將車頭頭車尾嘅主架部分接埋一齊，而車架嘅材料分別係用咗以下呢啲材料嚟整嘅：

• 鋁合金、鈦合金、鋼、碳纖維、高碳鋼、鉏鉻鋼，同塑膠嘅纖維合成嘅材料。

車柄

佢係接埋手柄嘅金屬、碳纖等物料嘅桿，另外煞掣柄係接响呢度，主要係用槓桿原理嚟控制個方向。

柄套

大多數嘅柄套都係用咗塑膠嚟整嘅、另外，喺個柄嘅面度有唔同嘅花紋响度，佢主要係畀啲人喺踹緊車嗰陣揸得重穩陣。

煞掣柄

佢係用嚟控制前轆同後轆嘅煞掣。而煞掣系統入面，係有線控，油壓同碟煞呢3樣嘢揀嘅。

變速控制器

佢嘅主要功能係控制個車嘅齒比。

豎桿

豎桿係將個手柄同避震器嘅扣接埋一齊，佢係用嚟控制個方向。

前避震器

前避震器嘅功能係加強前轆嘅黐地性能。而避震系統入面，係有油壓避震、氣壓避震、彈簧避震、油避震呢4種，喺比較特殊嘅入面，重有襟用嘅複合式避震器。

座墊

可以畀踹車嘅人踹得好慢或休息嗰陣嚟用嘅，由於個座墊桿同個車架係接埋一齊嘅，所以重可以睇下個人嘅身高嚟校下個高度都得。

車頂圓組

為咗可以喺轉彎嗰陣用得重順啲，所以圓組入面裝咗轆珠或培林响度。

車轆轉柄

佢係幫部單車可以行得逳嘅輔助工具，要同條鏈一齊用埋先至得。

鏈

扯逳後轆嘅金屬鏈，如估大嘅車轆轉柄轉緊嗰陣，重會配合埋個齒輪嘅轉動都得。

後避震器

同前避震器嘅功能同類一樣，都係用嚟加強後轆嘅黐地性。

後變速器

變速系統係分開咗有18~27段，如估段數越多嘅話，就更加有轉柄比搭配，而唔同晒士嘅轉柄，係畀行緊嘅車喺唔同嘅馬路面度搞個速度變化都得，而家最好嘅變速器是8嚿，而用喺跑車度嘅嘅變速器係發展到10嚿都有。

搖柄

將車架同後轆接埋一齊嘅架桿，佢可以畀部車行得重穩陣。

踏板

用嚟畀踹單車嘅人用力嚟踹個單車向前行嘅嘢。

輪呔

喺輪呔嗰方面，佢係用咗花鼓、鋼絲、輪框、外胎同內胎呢5樣嘢嚟組成嘅，輪胎嘅紋路同晒士都係按返路面嘅情況嚟定嘅。

品種

MC TF01 2012型嘅山地車

XC型嘅山地車

2002年出版嘅21速度800型嘅山地車

山地車嘅品種係分開咗以下呢3種：

一般山地車

而街邊成日用到嘅一般山地車都有以下嘅優勢同劣勢嘅：

• 優勢

佢它有優秀嘅前叉避震器同用咗高品質嘅鋼鋁合金或碳纖維嚟整嘅車身。重有都幾襟用下，即使用咗好多年，都唔會喺保養入面出咩冬瓜豆腐噉。重有佢嘅成個車身構造都好穩陣。

• 劣勢

佢除咗係用嚟參加比賽用嘅山地車之外，其它嗰啲山地車都係冇乜點關注佢部車有幾重嘅。

全降震山地車

最初將個減震系統裝入去山地車嘅目的係為咗應付落斜坡嘅比賽嗰陣發生嘅衝擊。而最新嘅全降震山地車係用咗結實同舒適呢兩個條件嚟整嘅。不過佢都有優劣勢：

• 優勢

成日騎响部車度都唔覺得好攰，可以對付到上坡路同下坡路。

• 劣勢

冇乜點留意落坡嗰陣遇到凹凸地帶嘅路。

多功能山地車

多功能山地車係用嚟畀鍾意山地車活動同成日喺城市與山區入面嘅路嚟行單車嘅人嚟設計嘅。雖然話車身冇上面嗰兩種山地車噉有比較實淨嘅車身，但佢都要有實淨同襟用嘅要求。尤其係車身嘅噴漆度，一定要OK先至得，佢係用嚟對抗城市入面嘅刮、割、擦、撞。由於要適應城市入面嘅馬路面，所以都要加埋放嘢架同擋泥板。重有佢大部分嘅車身都係用鋼嚟整嘅，雖然話有時都用鋁合金嚟整，但大部分都係用鋼嚟整嘅。不過佢都有優劣勢：

• 優勢

既可以用喺城市嘅馬路入面踹，重可以喺山區入面嘅路度踹都得。

• 劣勢

冇上面嗰兩種車噉，有比較實淨嘅車身。

同19世紀出現嘅單車係點分？

鍾意踹單車嘅人都知，一般嘅單車係分開咗4種嘅：

• 1. 民用單車
• 2. 山地車
• 3. 攀爬車
• 4. （單車比賽用）公路車

雖然話山地車嘅樣睇落去同馬路入面嘅單車差唔多，但如估睇深啲，其實係唔一樣嘅。下面嘅表話畀你知點解：

分類	山地車	公路車
輪呔直徑	26吋	28吋
輪呔厚度	1.5cm——1.9cm	20mm
車柄	長	短
車架	例	例
煞掣力度	大	細
重量	12.5kg	10.5kg
前叉嘅 緊要程度	緊要	唔使理
後座	冇	有
外觀	複雜	簡單
騎嘅過程	追求穩陣	追求速度
地形嘅適應	勁	渣
長途嗰陣 消耗嘅體能	低	高
車柄線	直	彎
成部車嘅 風速阻力	快	慢
車呔花紋	深	淺
上手最低要求	低	高

多人單車

多人單車

内文：多人單車

喺山地車嘅品種入面，重多咗個多人單車嘅嘢。喺美國嗰邊，而家先後有5間單車嘅公司已經發佈咗可以畀2個或重多啲嘅人嚟踹嘅山地車都有。

睇埋

• 單車
• 多人單車

連出去

• 山地自行车 百度百科
• 【山地车】用图解说山地车自行车的结构 360Doc個人圖書館
• 山地车和公路车区别 百度经验
• 山地车和公路车有什么区别呢？ 老A仲先生 博客
• 原创 山地自行车和普通自行车有什么区别 天涯博客
• 山地车和公路车区别(图文) BIKETO自行車網
• 山地車 互動百科