趙薇

趙薇（粵拼：ziu6 mei4；1976年 3月12號—）係中國大陸演員，安徽蕪湖出世，1997年拍電視劇《還珠格格》而開始出名。佢憑2014年電影《親愛的》攞香港電影金像獎最佳女主角獎。2019年，佢除咗主演，亦都係電影《兩只老虎》嘅監製。^[1]

2021年8月13號，趙薇旗下有藝人俾揭露試過去日本乃木神社同靖國神社而俾封殺，跟著趙薇舊時一啲爭議個例就一下子再俾輿論提返上檯。15號（日本投降76週年日），趙薇同工作室有轉發央視新聞嘅啲微博，不過仲係收到有唔少留言嘅圍攻。到後邊先係有《ELLE》雜誌取消咗趙薇嘅post，Fendi仲解除埋代言合約^[2]。到26號晚，多個內地網絡平台係剷除咗趙薇有份參與嘅唔少作品，微博都封殺咗關聯嘅超話（Tag）啲劇變情況係即時上咗熱搜^[3]。