跑馬地總站

跑馬地總站（Happy Valley Terminus）係香港電車一總站，喺香港島跑馬地黃泥涌道，編號係5。

跑馬地總站

結構

跑馬地總站係唯一車站範圍同附近都無迴圈嘅總站。

總站有2個上落車位置，分佈：

• 近行人路：
  • 跑馬地→筲箕灣
• 近馬路：
  • 跑馬地→堅尼地城
  • 跑馬地→石塘咀

史

1904年電車通車嗰陣，跑馬地已經有所謂「愉園」支線，當時係由天樂里入，經摩利臣山道同黃泥涌道到當時快活谷馬場看台嗰頭（同而家回程大致相反），走就經霎西街同寶靈頓道返去主線，嗰時係用「倒叮」方法掉頭。

到1922年，出入跑馬地走線改用而家行法，經波斯富街、禮頓道同黃泥涌道，順時針兜馬場一圈，總站唔使再「倒叮」掉頭。

1990年代，跑馬地總站加咗一條側線，變咗兩個等車位，分流去堅尼地城方向同筲箕灣方向嘅搭客。

	香港電車
堅尼地城 - 屈地街電車廠 - 石塘咀 - 西港城 - 跑馬地 - 銅鑼灣 - 北角 - 西灣河電車廠 - 筲箕灣