路易·阿方素·德波旁
路易·阿方素（法文：Louis Alphonse ，1974年4月25號—）全名路易·亞利方疎·岡薩洛·維多·曼紐爾·馬高·德波旁—馬天尼斯-波迪烏（西班牙文：Luis Alfonso Gonzalo Victor Manuel Marco de Borbón y Martínez-Bordiú），係波旁王朝成員，同時係法國保皇派承認嘅現任法國國王，稱號係路易二十（Louis XX）。
| 路易·阿方素·德波旁 | |
|---|---|
| 安茹公爵 加得士公爵 波旁公爵 都蘭公爵 佛朗哥公爵 | |
_(cropped).jpg) | |
| 法國國王 （未被政府承認） | |
| 在位 | 1989年1月30號ー |
| 前任 | 阿豐斯二世 |
| 私人明細 | |
| 皇族 | 波旁王朝 |
| 父 | 阿方素二世 |
| 出世 | 1974年4月25號 西班牙馬德里 |
如果唔係佢阿爺凱瑂王子細個曾經聽力有問題而放棄繼承皇位，咁依家好有可能係佢做西班牙國王，因為凱瑂王子係環王子嘅大佬、亞利方疎十三世個二仔，所以如果論輩份係路易二十大過現任國王菲臘六世。另外佢太嫲係英國維多利亞女皇嘅外孫女維多利亞王后，所以佢算得上係英女王伊利沙伯二世嘅遠房表姪。而西班牙前考迪羅佛朗哥就係佢嘅太爺（佢阿媽、第二代佛朗哥公爵卡雯·馬天尼斯ー波迪烏·佛朗哥嘅阿公）。
佢1974年響馬德里出世，係安茹同加得士公爵阿方素嘅二仔，自大佬弗蘭西斯科響1984年走咗之後，佢就成為西班牙波旁王朝嘅長孫。1989年，老豆走咗，只有15歲嘅路易繼承咗佢所謂嘅法國國王銜頭，做咗路易二十。
但要留意嘅係，佢有嘅法國國王、安茹公爵、加得士公爵、波旁公爵、都蘭公爵呢啲銜頭，其實都未被法國政府承認，更加唔係由西班牙國王頒發，所以係冇效嘅。唯一一個得到承認嘅係「佛朗哥公爵」，由佢阿媽、第二代佛朗哥公爵卡雯·馬天尼斯ー波迪烏·佛朗哥傳畀佢。
出面網頁
編輯
 |