輓曳賽馬

輓曳賽馬係一種賽馬，日本北海道獨有，唔止馬要快，更加要大力，拖住負重雪橇，爬上有沙丘賽道。起自明治時期，開拓北海道，約莫一九〇〇年左近，農家之間互相競較，喺祭典時鬥過高低。日本叫輓曳競走，亦短稱曳馬。

拖雪撬上山仔

比賽片段

戰後盛行，一九四七到一九五三年，開咗四座公營賽馬場，禮拜六日一新年等，專門比賽並而可以賭錢，分別喺帶廣、岩見澤、旭川，以及北見。二〇〇六年，鑑於衰落，後面三座停賽，只剩帶廣。本來帶廣本都會執埋，不過得到軟銀資助，先至保留落來。網上投注興起，又有復興之勢。

用馬同一般賽馬唔同，一般賽馬講輕快，輓曳賽馬求大力，前者輕種馬，後者重種馬，要有八百到千二公斤，過到賽道兩座山仔，又有二百米各自直道。要睇馬持久力，又睇騎師技巧。

賽道可以睇成五份，開頭直道、細啲山、直道、大啲山、尾段直道。過山時就至精彩之處。一般賽馬過馬鼻決勝，輓曳要連雪橇過完先算。