輪椅係一種有,用嚟代替行路嘅輔助器材[1],主要係畀啲因為雙腳有問題而行動唔方便嘅人、殘疾人士病人、受傷嘅人或者身體差嘅老人家而設,輪椅亦方便照顧佢哋嘅人,幫助佢哋可以進行身體鍛煉同參與社會活動。

輪椅

輪椅可以分為手動輪椅電動輪椅兩大類。手動輪椅當中又分為自力型同輔助型兩種,自力型後轆比較大同埋外側設有手輪圈,輪椅可以由坐嘅人自己推動或者由其他人推動;輔助型後轆比較細,輪椅只能夠由其他人推動。

手動輪椅基本技巧

打開輪椅

  1. 雙手放喺輪椅座位左右兩邊支架
  2. 手指向內同向下壓,打開輪椅座位

摺埋輪椅

  1. 收起腳踏
  2. 拎住輪椅座位中間,向上拉
  3. 摺埋輪椅
  4. 如果要搬運輪椅,要揸住穩固嘅支架

輪椅上嘅坐姿

  1. 身體挺直,背脊貼近輪椅背面
  2. 雙腳放喺腳踏上面
  3. 雙手放喺大脾上面
  4. 手踭放喺兩邊扶手之內
  5. 扣好安全帶
  6. 留意坐輪椅嘅人係咪坐得平穩同舒適(安全帶唔好太緊或者太鬆)
  7. 檢查衣物或其他物件有冇阻住後轆

推輪椅嘅注意事項

  • 推動輪椅要保持平穩嘅速度,減少對坐輪椅者嘅震盪,唔好太快或者急速轉彎
  • 留意路上嘅障礙物同路面不平
  • 停低嗰陣要鎖上輪椅嘅鎖掣
  • 成斜線推過坑渠蓋,可以避免車轆跌入坑渠隙
  • 上落斜同上落石級之前最好先通知坐輪椅者作好準備

上斜坡

  1. 企喺輪椅使用者後面,手揸住推柄,雙腳前後企穩,前膝微屈,重心喺前腳
  2. 保持腰部挺直,利用下肢發力將輪椅推前(提醒輪椅使用者重心向前,以免輪椅向後跌)

落斜坡

要注意輪椅要倒後行,因為落斜坡向前會有危險

  1. 背向斜坡,企喺輪椅使用者後面,手揸住推柄,雙腳前後企穩,前膝微屈,重心喺前腳
  2. 保持腰部挺直,慢慢噉將輪椅向後行(間唔中要向後望,留意路面情況)

上石級

  1. 將輪椅推向石級邊
  2. 手揸住輪椅推柄向下壓
  3. 一隻腳踏傾後桿,將輪椅後傾,前轆先上石級
  4. 將腳放返落地,捉實輪椅推柄
  5. 保持腰部挺直,下肢發力將輪椅拉起,同時將輪椅向前推

落石級

要注意輪椅一定要倒後落,向前落對坐輪椅者係非常危險

  1. 推輪椅者保持腰部挺直
  2. 將輪椅背向石級
  3. 後轆貼近石級邊
  4. 保持腰部挺直,下身可以緊貼輪椅背借力,將後轆拉後落級
  5. 前轆貼近石級邊
  6. 同樣腰部挺直,將前輪拉後落級

參考

出面網頁