農林路 (廣州)

  呢篇文講廣州嘅農林路。想搵其他城市嘅農林路嘅話，請睇農林路。

農林路（粵拼：nung4 lam4 lou6）係中國廣東省廣州市嘅3條南北走向嘅3條馬路。其中農林下路係主幹道，而農林上路同農林東路係一般馬路。

农　林　路 NONGLIN RD.

性質： 主幹道、一般馬路 全長： 下：1.16km 上：0.41km 東：0.425公里 行車線： 下：4車道 上：1車道 東：2車道 地區： 廣州市越秀區 起點： 下：中山二路、中山一路同東華北路、署前路嘅交界 上：中山一路 東：中山一路 終點： 下：環市東路 上：農林上路七橫路 東：三育路 主要建築： 廣東省教育廳 廣東省教育考試院 王府井百貨 東山電車總站 東園新村

概要

由於呢三條馬路組成咗平行線，加上冇連埋一齊，呢度就分開介紹：

• 農林下路：全長1160米，闊大概33米，4車道。其中東風東路北邊係北向南嘅單行線，淨低係雙行線。
• 農林上路：全長410米，闊5.6米，1車道。凈係畀從南向北行。
• 農林東路：全長425米，闊6~7米，2車道。凈係畀從南向北行。

農林路嘅三條道路，起點到終點

• 農林下路：從中山二路、中山一路同東華北路、署前路嘅交界開始，一直向北去到環市東路嗰頭。
• 農林上路：從中山一路開始，一直向北去到農林上路七橫路嗰頭。
• 農林東路：從中山一路開始，一直向北去到三育路嗰頭。

史

農林下路

馬路之前係「貓兒崗」，因嗰時係廣州嘅鄉下。到咗1909年，由於條路東北邊起咗成個廣東第一間農林試驗場。1930年，廣州市政府決定喺呢度開馬路。馬路起好之後分咗3部份：北邊嗰橛係「試驗場西路」，中間嗰橛係「試驗場東路」，最後南邊嗰橛係「下農林路」。喺1949年10月1號，由於「試驗場西路」同「試驗場東路」因附近係犀牛尾村而合埋一齊嗌「犀牛路」，而凈低嘅「下農林路」改名嗌「農林下路」。1985年，呢三條馬路統一改名做「農林下路」。

農林上路

同農林下路一樣，馬路之前係「貓兒崗」，1909年，條路西北邊起咗成個廣東第一間農林試驗場。廣州市政府喺1930年開農林下路嗰時，順便開埋呢條馬路。

農林東路

喺農林下、上路整好咗之後一直都冇呢條路，直到1953年先至整咗出嚟，因馬路喺農林上路東邊先至改成噉嘅名。

經過嘅道路

農林下路

呢度啲路嘅順序係從南去到北嚟排嘅，其中加粗咗嘅字係主幹道：

• 中山二路、中山一路、東華北路、署前路
• 農林下橫路
• 竹絲崗四橫路
• 農林下路二橫路
• 農林上路四橫路
• 農林上路八橫路
• 三育路
• 東風東路
• 犀牛路
• 環市東路

農林上路

呢度啲路嘅順序係從南去到北嚟排嘅，其中加粗咗嘅字係主幹道：

• 中山一路
• 農林上路一橫路
• 農林上路二橫路
• 農林上路三橫路
• 農林上路四橫路
• 農林上路五橫路
• 農林上路六橫路
• 農林上路七橫路

農林東路

呢度啲路嘅順序係從南去到北嚟排嘅，其中加粗咗嘅字係主幹道：

• 中山一路
• 農林上路五橫路
• 農林上路七橫路
• 農林上路八橫路
• 三育路

攷

• 钮海津：在广州的东山上（《家住农林上路>》的摘编版） 蚂蜂窝
• 农林路 街坊尋坊街