迎江區
迎江區（粵讀：jing4 gong1 keoi1[1]）係中國安徽安慶一個市轄區。面積11km²，人口25.1萬。轄6條街道，1個鎮，3個鄉。
- 街辦：宜城路街道、新河路街道、華中路街道、人民路街道、孝肅路街道、建設路街道
- 鎮：老峰鎮
- 鄉：龍獅橋鄉、長風鄉、新洲鄉
史 編輯
迎江區係安慶嘅市中心，亦係佢嘅老城區，自南宋嘉定十年（1217年），安慶知府黃干將府治由潛山縣遷去古盛唐山宜城渡，着手築城，到景定元年（1260年）完工，迄今780年歷史。乾隆25年（1760年）安徽布政使司自江寧府還治安慶爲省會開始，一直到民國27年（1938年）歷時170年，一直係安徽省府、安慶府治所在。
迎江區得名自區內北宋古剎迎江寺，寺內嘅振風塔譽為「萬里長江第一塔」。
攷、註 編輯
- ↑ 迎有兩個音：陽平、陽去，據《康熙字典》「凡物來而接之則平聲，物未來而往迓之則去聲」，「迎江」嘅意思係「迎長江而立」，長江既來而接，所以應係讀陽平。