追風箏的孩子 (小說)
《追風箏的孩子》（英文：The Kite Runner）係美籍阿富汗裔作家卡勒德·胡賽尼嘅第一部小說，亦係第一部由阿富汗裔作家創作嘅英文小說。
內容簡介 編輯
12歲嘅有錢人家少爺阿米爾同僕人個仔哈山，自細一齊長大，佢哋兩個年紀差唔多，兩個嘅感情好似兄弟噉，總係一齊玩，一齊分享有趣嘅故事。不過，喺一場風箏比賽之後，發生咗一件悲慘不堪嘅事，永久破壞咗兩個人之間嘅友情，從此各自走上唔同嘅人生道路，但係最後係以兩人意想唔到嘅方式，重新連接起大家嘅關係。
雖然阿米爾喺冇幾耐之後同阿爸逃去美國，以為噉就可以逃避過去嘅自己，但係關於哈山嘅回憶一直都消除唔到。阿米爾感到非常內疚，無法原諒自己當年對哈山嘅背叛同懦弱嘅行為。為咗贖罪，阿米爾終於再度踏上離開咗廿幾年嘅故鄉，希望能夠為不幸嘅好友盡最後嘅心力。