逆統戰：致地與海的革命者
《逆統戰：致地與海的革命者》（英文：Reversed Front: Dear Revolutionaries，簡稱《逆統戰》）係一款由臺灣團隊「ESC臺灣境外戰略溝通工作小組」設計嘅遊戲。由於遊戲本身反中國共產黨政治立場鮮明，成日畀中國「小粉紅」喺社交媒體「出征」聲討[1]。
背景 編輯
根據研發團隊所講，「逆統戰」呢個詞最早喺2017年臺灣嘅一篇網路社論出現[2]。逆統戰，就係「對共產黨逆向實施統戰」。聯合一切中共嘅敵人，打擊中共。佢哋希望藉由遊戲宣揚逆統戰理念，亦希望玩家因為遊戲好玩，而開始對現實嘅廣大世界同佢嘅悲壯故事產生興趣[3]。
團隊嘅理念同論述 編輯
2018年5月，ESC團隊發表咗《逆統戰》中集之後被香港大公報同國臺辦譴責[3]。
被環球時報點名譴責 編輯
喺2020年9月25號，環球時報刊登咗一篇標題「警惕分裂勢力在虛擬空間煽動」嘅文，篇文先係讚個遊戲美術風格迎合時下後生仔口味，不過之後就話如果喺遊戲入面滲入「台獨、港獨」思想，可能「對青少年造成惡劣影響，進而影響中國的國家安全」。篇文呼籲中國需要高度重視「台獨、港獨」勢力喺虛擬空間嘅感性煽動，注意隱藏喺各類新興媒介嘅感性煽動，話虛擬空間唔係「國家安全嘅法外之地」，並鼓勵中國企業透過投資、控股等等嘅商業方式「文化出海」，喺未來逐步提升虛擬空間入面嘅潛在話語權。
針對設計遊戲被中國官媒點名，ESC臺灣境外戰略溝通工作小組喺Facebook發文表示，「先說結論：我們終於『被譴責』了！感謝【環球時報】宣傳與讚美 （媽～我在這～～揮手）」。
團隊戲稱：「我們一直酸看不到中共譴責及小粉紅出征，中共在一個月努力嚴謹的研究與評估後，再也無法壓制【逆統戰】的聲量，只好『被迫』出手正面譴責；台獨份子分裂勢力在『虛擬空間』蠢蠢欲動，嚴重危害中國國家安全！哈囉？我們一直在這喔，是現實空間！是你們不敢來？！各位支持者！！！幹得好！你們『成功逼出官媒環球時報』，+100分！」[4]
攷 編輯
- ↑ 〈怕了？台反共桌遊「逆統戰」頻遭出征 中官員竟下令不准討論〉. 《自由時報》. 2020-09-18. 喺2020-09-18搵到.
- ↑ 〈投書：台灣需要培養「逆統戰力」〉. 《上報》. 2017-02-13. 喺2020-09-20搵到.
- ↑ 3.0 3.1 〈《逆統戰：致地與海的革命者》桌遊介紹〉. 《ESC團隊》. 2020-07-31. 喺2020-09-20搵到.
- ↑ 〈桌遊「逆統戰」被中國官媒點名 設計團隊樂歪：終於〉. 《自由時報》. 2020-09-27. 喺2020-10-01搵到.
出面網頁 編輯
 |