層先法

層先法（英文：Layer by Layer，簡稱LBL），即係逐層扭，係還原扭計骰嘅一種初級方法，特色係需要記比較少嘅公式，所以好多初學者學扭扭計骰嘅時候會學呢個方法先。速度嚟講唔算快，但係一啲快嘅方法（CFOP）嘅原理係建基於呢個方法。

解法

一個$3\times 3\times 3$嘅扭計骰有三層，喺呢篇文入邊我哋約定第一層係白色嗰一層，第三層係黃色嗰一層，第二層係中間嗰一層。

層先法、逐層扭，顧名思義就係先扭第一層，跟住第二層，最後第三層，其中第三層嘅公式係最複雜嘅，因為喺扭第三層嘅同時唔可以破壞之前已經扭好嘅第一、二層。具體嘅解法次序係咁嘅：

層	第一層		第二層	第三層
細分步驟	十字	角位	邊位	邊位方向	角位方向	角位位置	邊位位置
完成圖

事實上，即使係層先法入邊都有唔同嘅變體，大部份第一二層嘅方法都係一樣嘅，不過第三層就會有唔同，主要係邊、角位嘅方向、位置解嘅次序唔同，例如下邊呢幅圖就係另一個變體，啲次序有少少唔同：

LBL 另一個變體，喺第2步同第3步之間扭計骰上下反轉咗，方便啲睇。

CFOP

内文：CFOP

CFOP扭計骰速解法係喺1980年代由Jessica Fridrich同其他扭計骰愛好者發明同推廣，同層先法嘅概念都好相似，不過分別在於要背多好多公式，同埋有一啲「捷徑」，例如喺CFOP入邊第一層嘅角位同第二層嘅邊位係喺同一步入邊扭好。

歷史

層先法係David Singmaster喺1980年佢本書Notes on Rubik's "Magic Cube"到提出，之後James G. Nourse喺佢本書 The Simple Solution to Rubik's Cube 都用同一個概念，而呢本書成為1981年最好賣嘅書，之後喺同年代Don Taylor嘅Mastering Rubik's Cube同Cyril Östrop嘅Solving the Cube都搵到類似嘅解法。