週刊少年Sunday》係日本小學館發行嘅綜合性少年漫畫雜誌。同集英社嘅《週刊少年Jump》、講談社嘅《週刊少年Magazine》並列為日本三大少年漫畫週刊。

雜誌喺1959年創刊,改名為Sunday係為令讀者感受星期日般快樂輕鬆嘅氣氛,雜誌本身喺每週三發行。擁有包括安達充高橋留美子青山剛昌在內嘅一班出名漫畫家。刊載作品由畫技到情節都好優秀,題材有運動、科幻、魔幻、偵破、歷史、拍拖等,呈現多樣化格局。相較於強調「努力」「友情」「勝利」嘅《週刊少年Jump》,該刊作品相對欠缺明顯嘅整體風格,傾向由作家自行發揮。相對於《週刊少年Jump》以市場調查至上,成日喺市場調查唔好時中止漫畫,該刊作品多數由作家畫到故仔告一段落時至埋尾(但亦有故仔太長嘅批評)。發行量較《週刊少年Jump》同《週刊少年Magazine》為低。

中國臺灣由青文出版社取得部分漫畫嘅版權,喺《元氣少年》上進行連載;中國大陸由吉林美術出版社取得地方漫畫版權,喺《龍漫少年星期天》上連載。