遊埠紀錄片

錄片、電視節目、網上影片,講述旅行嘅經驗,經歷,觀察同印象

遊埠紀錄片,係一紀錄片電視節目、網上影片,講述記錄旅行嘅嘢:經驗,經歷,觀察、印象,一般會介紹一笪地方、風景、特色景點、人、事、歷史,有部份亦會加入嘢食或者新聞宣傳片,包括旅行社行程嘅片,或者優惠推廣,就唔算係遊埠紀錄片。

一箍人拍緊遊埠紀錄片

菲林拍攝嘅年代,遊記片(travelogue film)係遊埠紀錄片嘅前身,遊記片係探奇成份嘅紀錄片,多數由西方人嘅觀點睇其他文化。例如 1960年代嘅 Across the Seven Seas米高沛連(Michael Palin)1989年嘅 Around the World in 80 Days(八十日環遊世界)令呢一類節目更加出名。

編輯

遊埠紀錄片最初係用遊記片形式出現。當有菲林嘅十九世記,旅行家會喺公眾講座,講佢哋嘅經驗,會配上相片同短片[1],之後發展成一種新嘅電影片種遊記片(travelogue film),而遊記片將一笪地方便成條片主要內容[2]。呢一類嘅片畀一般觀眾感受到,猶如遊埠經驗,見到唔同嘅文化同埋風景。

遊記片出自美國作家、講師史托德(John Lawson Stoddard),1874年佢開始環遊世界,之後出書,寫自己冒險經歷,仲喺北美洲巡迴演講。原先嘅演講同場加放黑白幻燈片,1892年,史托德請咗伯頓鴻斯(Burton Holmes)做拍檔。史托德喺 1897年退休,叫伯頓鴻斯搞埋攤嘢,講埋佢剩低嘅演講。伯頓鴻斯之後變成遊埠講者,1904年佢將影畫片遊埠短片放入講座裏頭,令到遊埠短片紅極一時,佢更創咗「travelogues」一詞。 第二次世界大戰之後,湯馬斯(Lowell Thomas)制作咗 「Movietone News Reel Travelogues」,遊記片之後喺全美國嘅影院放映。

特色 編輯

遊埠紀錄片因為用一笪地方做佢做主題,拍攝器材工作人員全部都要去到嗰笪地方,中間涉及一班人出埠,拍菲林嘅時代,好大件又重嘅器材,令到運輸,安排酒店住宿,飲食都有一定嘅難度。一啲地方可能需要政府批出嘅文件,或者要雇用當地嘅人、導遊噉,各地嘅設施相當唔同,落後嘅地方可能冇酒店,天氣等其他問題,令到拍攝相當複雜,不時要準備一啲未能遇見嘅情況。

喺電視上播出,會叫「旅遊節目」,旅行節目早年會畀旅行社贊助播出,家陣啲旅遊節目好多會有植入式廣告[3]。而網上影片,多數係一啲 YouTube 頻道。一般根據該頻道收睇到嘅次數頻道,YouTube 公司同佢分帳,2017年每百萬播放約兩美金[4],成功嘅頻道要夠真實同埋有信譽[5],亦有廣告商廣搵啲遊埠 YouTuber 幫手「合作」[4]

編輯

編輯

  • Ruoff, Jeffrey (2006). Virtual Voyages: Cinema and Travel (英文). Duke University Press. ISBN 978-0-8223-3713-3 –透過Google Books. {{cite book}}: Invalid |ref=harv (help)

編輯