遊戲禮儀
遊戲禮儀（gaming etiquette）指玩多人電子遊戲嗰時應有、一啲約定俗成嘅禮儀；例如偷怪、忍者式掠奪、同講粗口鬥隊友等嘅行為雖然嚴格嚟講唔犯規，但好唔受歡迎（而且搞到隊友唔老嚟自己好多時係有後果嘅），而識遊戲禮儀嘅玩家唔會做啲噉嘅嘢[1]。
社交詞令 編輯
以下係一啲喺網上多人遊戲裏面玩家成日講嘅用語：
- GL（Good luck）：喺對局開始前，祝對方好運[2]。
- GG（Good game）：喺對局結束後，向對手或者隊友表達自己玩得好過癮[3]，一般係由輸嗰一方向贏嗰一方講先，如果有一邊有好大優勢但係未贏遊戲，就已經同對方講GG，咁就會講到好似食硬對面咁，係好無禮貌嘅，呢種喺英文叫做offentive GG。
- GGEZ（Good game easy）：話「我贏得好輕鬆」咁解，都係好無禮貌嘅。
- GGWP（Good game well-played）：睇下邊WP（Well-played）。
- HF（Have fun）：喺對局開始前，叫對手或者隊友享受場對局[4]。
- WP（Well-played）：喺對局結束後，讚對手玩得好[5]。
- BRB（Be right back）：「好快返」噉解，一個玩家要 AFK 前會同隊友講嘅一句話[6]。
- Pwned：源於有人喺一個魔獸世界論壇上串錯咗英文字「owned」（呢個字非正式上可以指「俾人完全打低」），家陣「pwned」嘅意思可以係指「俾對手完全打低」噉解[7]。
參考 編輯
- ↑ Taylor, L. N. (2009). Gaming Ethics, Rules, Etiquette, and Learning. In Handbook of Research on Effective Electronic Gaming in Education (pp. 1057-1067). IGI Global.
- ↑ GL 互聯網檔案館嘅歸檔，歸檔日期2018年8月28號，.. Urban dictionary.
- ↑ GG 互聯網檔案館嘅歸檔，歸檔日期2019年8月29號，.. Urban dictionary.
- ↑ HF 互聯網檔案館嘅歸檔，歸檔日期2017年9月30號，.. Urban dictionary.
- ↑ WP 互聯網檔案館嘅歸檔，歸檔日期2017年9月11號，.. Urban dictionary.
- ↑ brb 互聯網檔案館嘅歸檔，歸檔日期2017年10月15號，.. Urban dictionary.
- ↑ Pwned. Urban dictionary.
