過渡金屬

過渡金屬，又叫過渡元素，係元素週期表d區嘅一系列金屬元素。呢個區域包括3到12一共十個族嘅元素，但唔包括f區內嘅過渡元素。

定義

對於「過渡金屬」，唔同科學家有唔同嘅定義。

1. 根據國際純化學和應用化學聯合會，過渡金屬係一個有部分填滿嘅d軌道嘅元素，而渠可以整到一個有未填滿d軌道嘅陽離子出來。
2. 有科學家直接將位於第3-12族嘅元素（d區）嘅所有元素當係過渡金屬，而f區元素叫做內過渡金屬。
3. 弗蘭克·阿爾伯特·科頓同傑弗里·威爾金森兩位科學家擴展咗IUPAC嘅定義。因爲鈧同釔兩個元素喺金屬嘅狀態下有部分填滿嘅d軌道，所以兩人將渠列入過渡金屬入面。

鑒於定義1，有人唔當鋅等金屬係過渡金屬，因爲鋅嘅3d軌道已經填滿。

性質

氧化態

過渡金屬一般有好多氧化態。例如錳嘅氧化態可以係由正七至正二，有+7（灰錳氧）、+4（二氧化錳）等化合物。

可以形成有顔色嘅化合物

過渡金屬嘅化合物通常有顔色。

• 
  硫酸銅係藍色。
• 
  六水合氯化鈷係粉紅色。
• 
  重鉻酸鉀係橙色。
• 
  高錳酸鉀（灰錳氧）係紫色。
• 
  硫酸亞鐵係藍綠色。

形成絡合物

因爲過渡金屬有未滿嘅d軌道，所以可以接受配體嘅電子，同渠形成絡合物。