選舉英文Election),係一種正式嘅決策過程,喺呢個過程裡面會由選民投票,選出某個職位嘅擔當人選,或者作出某項適用於成個組織嘅決定。所以,選舉嘅性質係有別於其他選擇方法,例如比賽篩選、隨機決定或者市場決定。

喺實行代議民主制中文代議民主制嘅國家同地區,會透過選舉決定議會成員、國家元首同政府首腦(總統總理首相)嘅相關人選,亦會用佢來選出地方政府嘅行政官員。另外,民間團體、學校同埋公司,一般來講亦都採用選舉作為人事決策嘅手段。

選舉又可以分為大選補選,前者通常係定期進行而且選出一個政治機關嘅全部/大部份空缺,後者就只會選出一個或者少量嘅空缺。

內容 編輯

選舉資格 編輯

選舉權中文選舉權(邊個可以投票)係選舉嘅中心議題。選民唔一定包括全部公民:所有國家都有投票最低年齡嘅限制,而且某啲人口係排除喺選舉之外。

喺某啲國家,法律規定公民必須履行投票嘅義務,如果有資格投票但刻意唔參與,就有可能被處以一啲懲罰,例如小額罰款或者拘役。