報酬遞減

報酬遞減（粵拼：bou3 cau4 dai6 gaam2；英文：diminishing returns）係經濟學上講到，生產過程當中嘅一種現象。根據邊際報酬遞減定律（law of diminishing marginal returns）：假設第啲因素不變，係噉提高某個生產因素嘅量

• 普遍會令整體產量升，
• 但邊際報酬（marginal return / marginal product；指報酬上升嘅率，設報酬做 $r$，生產因素嘅量做 $F$，邊際報酬由 ${\Delta r}/{\Delta F}$ 反映）會係噉跌，

即係話如果將「產量」（Y 軸）同「生產因素 A 嘅量」（X 軸）畫幅圖，假設第啲生產因素不變，條線嘅斜率會隨住生產因素 A 嘅量上升愈嚟愈負：

舉個具體嘅例子說明：一間建築公司家吓要起一棟建築物，個地盤度有一定量嘅器械、材料、同工人等嘅生產因素；假想而家間建築公司個老細增加工人嘅數量，但其他生產因素（器械同材料）嘅量保持不變；根據邊際報酬遞減定律，佢呢個做法會引致建築效率提升，但隨住工人數量增加，就會搞到（例如）啲器械唔夠用，所以就算再加多啲工人都冇咁幫到手提升生產效率－工人數量愈多，再增加工人所引致嘅建築效率提升幅度就會變得愈嚟愈細，請新工人變得愈得愈唔著數。邊際報酬遞減定律說明咗，喺生產嘅過程當中唔可以係噉增加某一個生產因素嘅量，而要整體噉考慮成個生產過程當中嘅所有因素。

睇埋

• 生產