邊緣青年

(由邊青跳轉過嚟)
呢篇文講社會現象。想搵電影嘅話,請睇邊緣少年

邊緣青年簡稱邊青,係指處於社會群體邊緣化,將要墮落或者已經墮落但係本質仲係好嘅青年。

被「邊緣化」嘅主要原因多過一半係由於個體嘅生活方式、價值觀或者意識型態同社會主流格格不入或者係無法融入所導致。佢哋因為生活模式係同主流世俗社會有所唔同,所以經常畀人漠視或者歧視,因而畀人邊緣化,同正常社會相隔閡。

佢哋處於常人同壞人之間,除咗游離於主流社會之外,心理方面會有困惑,或者家庭唔美滿,成日畀人漠視或者歧視,種種原因導致邊青唔可以正確咁向上生活。

根據唔同非政府組織做嘅調查結果,曾經違法或者曾經出現明顯違規行為嘅邊青入面,佢哋主要係唔理解違規行為嘅後果;其次係受朋輩影響以及家庭關係疏離而做出違規行為。其中,青少年反叛期係青少年容易變成邊青嘅時間。

睇埋 編輯