郎筠玉
郎筠玉（1919年—2010年8月12號[1]），原名郎紫峰，藝名新肖仔，本籍北京，係粵劇演員。戲行人稱仔姐。擅長文武生同花旦。成個戲行啲花旦，係得佢能夠唱到三種喉底（子喉、平喉、大喉）[2]。首本戲《平貴別窯》、《花木蘭》、《穆桂英》、《仕林祭塔》等等[3]。門下弟子有林小群、郎秀雲。
| 郎筠玉 | |
|---|---|
| 出生日 | 1919年  |
| 死亡日 | 2010年8月12號 |
[改維基數據] | |
生平
編輯郎筠玉喺廣州出世，係清朝駐粵八旗子弟嘅後人。8歲跟老豆去茶座賣唱。13歲入行喺廣州西堤大新公司天棚做日戲，起咗「新肖仔」呢個藝名。1940年代喺越南入靚少佳嘅「勝壽年」劇團，仲同靚少佳拉埋天窗，做千里駒嘅名劇《金葉菊》。1949年之後，佢入過「勝壽年」劇團、「新世界」劇團同「珠江」劇團，同羅品超、文覺非、呂玉郎合作。1958年入廣東粵劇院，係嗰時嘅台柱，之後亦做過劇團團長[4]。1988年做《六國大封相》喺舞台暈低，之後無再登台[3]。
攷
編輯- ↑ 〈「仔姐」郎筠玉仙逝〉。《大洋網-廣州日報》。騰訊網。2010年8月15號。原著喺2020年3月28號歸檔。喺2019年3月7號搵到。
- ↑ 李池湘 (2016年10月21號)。〈【梨園逸事】三喉老倌郎筠玉〉。中國粵劇網。
- ↑ 3.0 3.1 〈郎筠玉（新俏仔） 粵劇正印花旦演員 郎筠玉〉。戲曲文化網。原著喺2021年4月12號歸檔。喺2019年3月7號搵到。
- ↑ 〈郎筠玉〉。中國粵劇網。