郵輪

  提示：呢篇文講嘅唔係油輪。

郵輪，又叫郵船，係一種用作娛樂航海嘅客輪，航程同埋沿途嘅目的地同船上嘅設施都係提供遊樂嘅一部份。運輸唔係郵輪嘅主要用途，因為郵輪通常會將乘客送返啟航嘅地方。

喺愛沙尼亞嘅幾艘郵輪

郵輪舊時嘅主要用途係用水路運送郵件，所以就叫「郵輪」，但郵輪逐漸無咗處理通郵嘅用途，變成純粹畀人遊樂，所以而家個名亦有畀人寫做遊輪或者遊船。