鄭克塽

鄭克塽（1670年8月13號—1717年9月22號）係鄭經第2個仔，鄭成功個孫。1681年鄭經同陳永華分別死咗，馮錫範發動政變，立12歲嘅鄭克塽做延平郡王。

1683年大清水師提督施琅喺澎湖海戰大破明鄭艦隊，攻佔澎湖，明鄭軍主將劉國軒走返臺灣。馮錫範就勸鄭克塽投降。鄭克塽向大清投降之後去咗京師，隸屬漢軍正紅旗，受封為海澄公。

鄭克塽娶咗馮錫範個女，生咗個仔鄭安福。佢喺康熙四十六年（1717年）病死。

《鹿鼎記》小說嘅鄭克塽

嚮金庸武俠小說《鹿鼎記》入面，鄭克塽係個小人，女友係李自成同陳圓圓個女阿珂。收尾阿珂跟咗韋小寶。