鄭建炘

鄭建炘，台灣親中派人士，台灣人民共產黨副主席，中共在台灣間諜。

記事

喺美國前眾議長佩洛西訪問臺灣期間，佢曾經組織職業示威活動，以每人新台幣500元嘅人工僱用民眾，發起20幾場抗議活動。

喺2022年中華民國直轄市議員及縣市議員選舉期間，佢受胡春光、雲南省國台辦官員指示，參選台北市議員，並喺競選期間收受國台辦提供資助，企圖影響台灣選舉、宣揚共產理念，去到2023年10月3日依《反滲透法》等罪名被起訴。台灣勵志協會（TIA）執行長賴榮偉指，事件突顯中國滲透模式更分眾同精緻化，以小黨影響特定群眾，達到所謂「鄉村包圍城市」嘅目的。

喺2021年2月，佢將五星旗口罩戴喺烏山頭水庫八田與一嘅銅像上，被警方依違反《社會秩序維護法》送辦。