酒徒

《酒徒》係劉以鬯喺1962年响《星島晚報》寫既連載小說，故事背景係1950至1960年代既香港。根據作者既自序，《酒徒》係「寫一個因處於苦悶時代而心智不十分平衡的知識分子怎樣用自我虐待的方式去求取繼續生存」既故事。《酒徒》以第一人稱展開，分成四十三章，係「中國第一部意識流小說」，呢本小說後嚟俾王家衛導演拍成電影《2046》。

故事既主角係一個職業作家，原本係滿懷理想，有雄心壯志既文人，想寫一啲嚴肅主題、文學性強既嘢，但係形勢逼人，只能夠寫一啲庸俗既、佢唔鍾意既三毫子流行故事，武俠小說、色情小說之類，成為寫稿機器，靠微薄既稿費嚟糊口。因為理想同現實既落差，佢內心好痛苦，失意既佢，只能夠借酒消愁。可惜，酒醒之後，佢對世界既感覺更加厭惡。