醫好水腫病人

醫好水腫病人係《聖經》記載耶穌嘅神蹟之一，記載喺《路加福音》14章1-6節。

聖經譯文

「	安息日，耶穌去一個法利賽人領袖嘅屋企食飯，有啲人窺探佢。呢個時候喺佢面前有一個患水腫嘅病人。耶穌就問律法師同法利賽人，話：「安息日醫病合唔合法？」佢哋都唔出聲。耶穌扶住嗰個人，醫好咗佢，打發佢走。耶穌對佢哋話：「你哋當中有邊個嘅仔或者牛喺安息日跌咗落井度，唔即刻拉佢上嚟呀？」佢哋對耶穌所問嘅嘢都答唔出 。	」
——《路加福音》14章1-6節

概覽

耶穌被邀請到一個法利賽人嘅領袖屋企食飯，相信呢個主人係一個好重要嘅人物。呢個係一個安息日嘅晚餐，似乎係唔尋常嘅一餐飯。因為安息日嘅一飲一食，律法上係有瑣碎細微嘅規矩。安息日唔能夠生火煮食，否則就干犯安息日，因此安息日嘅食物應該全部都係事先預備好。喺呢個安息日，法利賽人特別仔細窺探耶穌嘅行動。佢哋認為耶穌係律法嘅破壞者，偵察佢點樣處理安息日嘅律法。「窺探」呢個詞含有「好奇同陰險嘅偵探」嘅意思。

有一個患水腫病嘅人在場，耶穌毫不猶疑，就醫好咗佢。耶穌趁敵人重未有採取行動之前，趁機會向律法師同法利賽人發問，關於安息日醫病嘅問題。耶穌提醒法利賽人，佢哋亦會喺安息日救起跌咗井度嘅牛驢。唔通人嘅生命冇動物咁貴重咩？耶穌問喺安息日醫病究竟可唔可以？呢條係難以回答嘅棘手問題，法利賽人好難以回答。其實耶穌喺安息日行事，唔係要破壞律法，而係要成全律法，佢話自己係安息日嘅主，安息日係為人而設立嘅，人唔係為安息日而設。