文憑工廠，又叫野雞大學，係指無官方機構承認嘅學府，佢哋頒嘅學位或者文憑通常都係學生（客人）畀錢去買，亦唔受社會承認。
無論知情與否，部份國家會將使用假文憑，視為嚴重道德或法律問題，如仿冒偽造學歷可被控虛假文書刑事罪行。
為防請到學歷有問題嘅員工，企業會審核履歷資料，並參考THE-QS世界大學排名等全球知名大學排名，用以篩走學店同野雞大學文憑人士，甚至會進一步向校方求證學歷真偽。
