量子貨幣

量子貨幣（英文：Quantum Money）係以量子力學做原理設計嘅貨幣，嗰個原理令貨幣唔可以被偽造，呢個概念對量子密鑰分發嘅發展造成咗一定嘅影響。

呢個概念係由哥倫比亞大學一位研究生Stephen Wiesner喺大約1970年提出，但被幾本科學期刊拒絕刊登，直到1983年。

實際限制

去到依家，實現量子貨幣所需嘅技術仲未存在，唔使將喺市面大規模咁去用，所以佢嘅局限性只係理論上面嘅討論。

除咗實體貨幣外，數碼量子貨幣都係一種可行嘅方向，但係，同其他普遍嘅數碼貨幣（如比特幣等）唔同，根據不可複製原理，量子貨幣唔可以被備份。一個折衷辦法係用Quantum error correction，並將貨幣分成部分儲存喺唔同嘅地方，當其中某部分被損壞嗰陣，嗰個錯誤可以被復原。

即使一張貨幣過唔到銀行嘅檢驗，亦唔代表佢一定係偽造嘅貨幣：佢可能係真幣，但佢嘅光子偏震面受外界環境影響改變咗，或被過錯誤嘅基底測量過（可能係企圖製造偽幣嘅人，或者壞咗嘅驗鈔機）。