量睾器

量睾器係一件醫學儀器，專門用嚟量度男人嘅睾丸大細，睇下兩粒膥子發育同埋生長得正唔正常。

用法

呢個男人用量睾器度緊自己左邊粒睾丸體積

量睾器由一堆鵝蛋形球體珠仔串成，每粒珠上面都會寫住佢嘅體積，常見一款係包括由1至25毫升（中間某啲數目會跳過）嘅珠仔，珠仔通常由塑膠或者木嚟製成。量睾器用法好簡單，就係將男人粒睾丸隔住個膥袋放埋去啲珠仔度做對比，就知道佢粒膥嘅體積到底有幾大。