金屬色

(由金色跳轉過嚟)

金屬色多數解任何好似平滑金屬表面噉反光嘅顏色,有時包埋常見於金屬表面嘅氧化物嗰啲唔反光嘅顏色。[1]佢哋嘅細緻命名通常會包含「金」、「銀」或「銅」,偶然用到「鐵」。[2]

金色

狹義嘅金色用嚟形容帶黃色,鏡式反光嘅嘢,例如純黃金;廣義上,唔反光,淺黃、啡黃或橙黃嘅嘢有時都算。

銀色

狹義嘅銀色用嚟形容完全鏡式反光,或者部分反光而帶灰色嘅嘢,例如純白銀;廣義上,唔反光,白色或淺灰色嘅嘢有時都算。

銅色

狹義嘅銅色用嚟形容帶啡紅色,鏡式反光嘅嘢,例如純紅銅;廣義上,唔反光嘅嘢有時都算。

辨異

「金」、「銀」、「銅」及「鐵」皆各自解一種金屬元素及與其有關之若干顏色。日常講「金色」或「銀色」時,一般都同時傳遞咗「反光」嘅意思,不過講及「銅色」時,通常要特別提及「炅面」或「啞色」;後者比較常稱作「銅紅色」。高純度嘅金及銀都唔容易變質,而以金或銀做膽嘅常見合金,同非合金者喺外觀上嘅分別唔算大,因此呢兩個字所表達嘅顏色範圍唔廣。[3]高純度嘅銅叫做紅銅,表面頗容易變質,期間會逐漸產生幾種唔同顏色嘅雜質;以銅做膽嘅常見合金有白銅、黃銅及青銅等,其外觀同非合金者嘅迥義,而佢哋雖然喺化學上比較穩定,但係都會慢慢被氧化,顏色一樣係變化多端,由此衍生出「青銅色」及「古銅色」等意思差好遠嘅形容詞。[4]「鐵」幾乎只見於「鐵鏽色」一詞;冇腐化,純度高嘅鐵及以鐵做膽嘅常見合金之外觀,算係「銀色」、「灰色」或「黑色」等,唔叫「鐵色」。

註釋

本文每個「反光」皆取其用於閒話時之意思,而唔係佢嘅嚴謹科學定義。

參考

  1. . (香港中文).第134號. 食物安全中心. 2017年9月. 喺2022-10-05搵到.
  2. Bella儂儂. 2021染髮推薦金染BLACKPINK最愛古銅棕、霧金色、金銅色,周子瑜個髮色能預防布丁頭. Bella.tw儂儂 (臺灣中文). 喺2022-10-05搵到.
  3. 韩启德; 欧阳自远., 編 (2014). 万个为什么. 16, 航空与航天 (中國中文) (第6版). 上海: 少年儿童出版社. ISBN 7-5324-9285-0. OCLC 913288361.
  4. . (中國中文). 喺2022-10-05搵到.

睇埋