釹攝石

釹攝石又嗌釹鐵硼攝石，係由釹、鐵、硼（Nd₂Fe₁₄B）形成嘅四方晶系晶體，由住友特殊金屬嘅佐川眞人喺1982年發現。爾種攝石嘅磁能積（BH_max）大過釤鈷攝石，係當時全世界磁能積最大嘅物質。後來，住友特殊金屬成功發展粉末冶金法，通用汽車成功發展旋噴熔煉法，可以造到釹鐵硼攝石。爾種攝石係家下磁性最強嘅永久攝石，亦係最常用嘅稀土攝石。釹鐵硼攝石廣泛應用喺電子產品，例如硬碟、手機、耳機同埋用電芯供電嘅工具等。

鎳電鍍後嘅釹攝石立方體

爲咗唔腐蝕，要喺永久攝石材料表面做保護處理，例如用金、鎳、鋅、錫做電鍍，同埋喺表面噴環氧樹脂等。