鈹

  想搵英文字嗰個be嘅話，請睇be(英文)。

鈹（粵拼：pei4，Beryllium，舊名叫鋍、鑉）係元素一種，符號Be，原子序號係4，原子質量單位9.012182(3)，屬於鹼土金屬。

鈹

鈹同佢嘅化合物都係對人體有毒嘅。

發現

法國人沃克朗響1798年響綠柱石嘅綠寶石中發現鈹元素。之後德國人弗里德里希·維勒同法國人畢于西不約而同響1828年從鉀同氯化鈹嘅反應中分離出金屬鈹。

名稱由來

Beryllium一詞來自綠柱石（Beryl）。佢嘅別名Glucinum就由糖演變而來。

同位素

内文：鈹嘅同位素

已發現嘅鈹嘅同位素有8種，包括鈹6至鈹12、鈹14，當中得鈹9係穩定嘅，其他同位素都帶有放射性。

用途

鈹銅錫合金用來製造響高溫下工作嘅彈簧，呢種彈簧嘅紅熱狀態下仍然保持良好嘅彈性同韌性；氧化鈹可以用響高溫熱電偶嘅耐熱填充物。

因為具有反射中子嘅能力，所以可以做核彈嘅中子反射層，製造中子彈同小型原子彈，以及一哋核能機器對中子放射線嘅防護層，甚至有人研究以此加強坦克嘅抗中子放射線防護能力。