鉍

鉍（粵拼：Bei3，Bismuth）係化學元素嘅一種，化學符號係Bi，佢嘅原子序數係83，係紅白色嘅金屬。

鉍

化學元素鉍嘅合成晶體，表面係非常之薄而且閃光嘅氧化層。

鉍嘅化學性質同砷、銻類似。鉍係最反磁性（又叫做抗磁性）嘅金屬，亦係除咗汞之外有最低熱導率嘅金屬。鉍嘅化合物用來做化妝品、藥物同醫療程序，可以用響製備易熔合金同埋同錫融合防止錫疫。

雖然鉍以前被認為係最重嘅元素同穩定嘅同位素，但係鉍-209一直被懷疑佢係唔穩定嘅。最後響2003年，響法國研究嘅人員認定鉍係放射性元素，佢嘅半衰期有1.9*10¹⁹年左右，係宇宙年齡嘅10億倍。自此以後，鉛就係質量最大嘅穩定元素。