鉛綠褶菇

鉛綠褶菇（粵拼：jyun4 luk6 zaap6/zip3 gu1；學名：Chlorophyllum molybdites），又叫綠褶菇（luk6 zaap6/zip3 gu1）或毒綠褶菇（duk6 luk6 zaap6/zip3 gu1），係蘑菇科青褶傘屬嘅真菌，而家喺全世界都可以搵到佢。呢種植物係一種毒性比較犀利嘅植物。

How to read a taxobox 鉛綠褶菇
瀕危指標
「未評估」 (NE)
物種分類
界 真菌 Fungi 門 擔子菌門 Basidiomycota 綱 傘菌綱 Agaricomycetes 亞綱 同擔子菌亞綱 Homobasidiomycetidae 目 傘菌目 Agaricales 科 蘑菇科 Agaricaceae 屬 青褶傘屬 Chlorophyllum 種 鉛綠褶菇 C. molybdites
二元學名
Chlorophyllum molybdites (G. Mey.) Massee (1898)
別名

形態

呢種植物個樣同普通食用嘅高大環柄菇等大型真菌個樣差唔多噉。菌蓋喺啱啱生出嚟無耐係半個波形噉，之後喺越大嗰時就變得越嚟越平。喺熟咗嗰時，啡色嘅表皮開始裂開，除咗中央比較密集之外，其它部分都係斑點式散開噉，重搞啲海綿質菌肉出嚟。而菌褶喺最先生出嚟嗰時係白色，之後就變成淡黃綠色，如估佢受咗傷嘅係變成啡色；另外，佢嘅菌柄有12~30公分長，最先係白色，之後變啡色；表面有纖維紋，喺菇頂重有嚿厚兼可以喐得嘅菌環。

習性

呢種植物鍾意喺夏秋兩季，落咗雨之後嘅草坪或蕉林地度生。集居方式係群生或散生。

毒性

呢種植物嘅毒性比較細，但唔代表唔會中毒。而佢嘅毒性方面，因為佢入面有水溶性生物碱響度，所以如估唔小心食咗少少嘅話，會出現嘔、肚疴或心絞痛嘅病，而且都幾得人驚吓；如估食得太多嘅話會隨時攞命。喺中國嘅廣東同南方地區入面係列入咗其中一個成日見到嘅毒蘑菇。由於佢有毒，建議一般人千祈唔好摘佢嚟食。

有關嘅書

• 有趣的真菌（三版 2005）頁80，國立自然科學博物館 發行

出面網頁

• 这些毒蘑菇 误吃可致命 南方日報 AⅡ04版（东莞读本） （2014-09-02）
• 【提醒】误食毒蘑菇可致命！佛山市民切勿自行采食 微查乐
• 切勿采食野生蘑菇，以防中毒 广州市增城区食品药品监督管理局
• 毒蘑菇科普小知识 深圳市农产品质量安全检验检测中心