銀河烈士陵園
中國廣州一座烈士公墓
名
編輯間嘢因為喺銀河村而改成噉嘅名。
史
編輯間嘢喺1954年經中共中央華南分局（今日嘅廣東省委）批准，喺廣州郊區劃咗銀河鄉嘅對面崗、石頂崗、龍草崗等三個山仔做公墓規劃用地。1956年2月成立籌建小組兼喐手搞一期工程，重喺2個月後起好。初期嗌過銀河革命公墓。
墓地起好之後，廣州市人民政府先後喺廣州市入面嘅沙基慘案烈士、中國文化總同盟廣州分盟「文總」六烈士、林寶宸、陳複等革命烈士，重有女作家蕭紅、畫家李鐵夫、民主革命家陳秋霖等愛國人士啲骨灰都搬到公墓入面。隨後逐漸成為專門擺革命烈士、軍人、公務員、國有企事業單位嘅管理人員同專業技術人員、對中國大陸嘅社會主義革命同建設有突出貢獻人員、喺全球範圍入面有影響力嘅中國大陸名人同幫過中國大陸建設嘅國際友人等骨灰嘅地方。1966年12月受破四舊浪潮影響而改名做廣州革命公墓，直到1977年7月打回頭成原名。1993年7月加咗「廣州市銀河烈士陵園管理處」嚿牌。
2007年11月，園區加起咗陵園廣場。