鋼鐵條約

鋼鐵條約，係指納粹德國同意大利王國係1939年5月22號通過嘅協定，象徵住兩國喺軍事同政治上結盟。根據條約內容，如果締約國受到任何一個國家嘅攻擊，另外一個締約國都要提供支援。

鋼鐵條約喺柏林簽訂嘅情況

條約由簽訂一刻開始，十年有效。但喺1943年同盟國軍隊入侵意大利，意大利踢咗墨索里尼落台同埋投向同盟國，鋼鐵條約亦唔再適用。