鍘美案
《鍘美案》，又叫做《秦香蓮》或者《明公斷》，係民間故事，亦係根據明代《包公案百家公案》同清代《三俠五義》改編既戲曲，版本包括京劇、秦腔、豫劇、潮劇等。其中傳統京劇既經典劇目版本，最初既版本係梆子戲（一種傳統戲曲，因為唱既時候會敲打梆子，所以叫做梆子戲）。套戲係講北宋年間，做官清廉公正聞，執法鐵面無私，深受世人景仰，俾人叫做「包青天」嘅包拯，不畏權勢，將駙馬陳世美用龍頭鍘處死既古仔。
故事情節
編輯北宋時期，家境清貧既湖廣均州（依家既湖北）書生陳世美，為咗求取功名而日夜苦讀，佢老婆秦香蓮為咗佢既前程，自己擔起頭家，賺錢俾陳世美赴京趕考。後嚟陳世美中咗狀元，仲俾皇帝睇中，想嫁個女俾佢，利慾薰心蒙蔽咗道德良知既陳世美瞞住自己已經有老婆既事實，答應咗呢頭親事，做咗駙馬爺。秦香蓮見陳世美一去三年，杳無音訊。嗰年湖廣（依家既湖南同湖北）大旱，陳世美既父母唔想拖累兒媳同啲孫，吊頸死咗。唔知道點解老公好耐都無返屋企，於是秦香蓮就葬咗雙親，然後帶住一雙仔女千里迢迢上京搵老公。後嚟喺京城，秦香蓮驚聞老公一早已經中了狀元，仲做埋駙馬，於是闖入駙馬府去同老公相認。點知見到陳世美既時候，陳世美爲咗貪圖榮華富貴，竟然狠心唔認呢個糟糠之妻同埋一雙仔女，然後將佢哋趕走。
秦香蓮母子三人去開封府既途中，露宿係一間野廟嗰度，陳世美派武官韓琪跟蹤佢哋，好快就追到佢哋，韓琪正想將秦香蓮母子三人殺咗滅口既時候，秦香蓮向佢哭訴自己既不幸遭遇，聽咗實情既韓琪，十分同情秦香蓮，決定俾秦香蓮同埋佢對仔女離開。但係韓琪自己又無辦法交差，只好自刎而死。秦香蓮見到又驚又嬲，悲憤極至既秦香蓮，收起沾滿鮮血既鋼刀，想去告官。秦香蓮聽講包拯做官清廉公正，於是到開封府搵包拯告狀。點知秦香蓮反而俾人誤以為係殺人兇手，判咗入獄。喺陳世美既授意同安排之下，秦香蓮俾官府發配邊疆。喺半路既時候，官差奉命殺死佢，好彩佢俾展昭救咗。展昭去咗陳世美既鄉下，搵到證人祺家夫婦，不過半路既時候祺大娘俾殺手用刀殺死咗，包拯找得到人證物證之後，想將駙馬定罪。
包拯傳召駙馬陳世美同秦香蓮對質，陳世美自以為有太后撐腰，於是強詞狡辯，包拯想處死佢，不過太后、公主聽到駙馬出事既消息，趕咗嚟阻止，包拯叫秦香蓮同太后相見，太后喝令太監強行搶走秦氏既仔女，包拯立刻叫手下王朝等人將佢哋搶返嚟。包拯受到皇室壓力，深感棘手，想息事寧人，於是攞咗白銀三百兩，交俾秦香蓮，佢返屋企，又勸佢啲仔女，大咗之後唔好做官。秦香蓮聽咗之後，落淚下堂，埋怨包拯同其他官無唔同，都係官官相護，有負「包青天」呢個美名。包拯聽到佢咁講，立即驚醒覺悟，於是除咗自己頭上既烏紗帽，以表捍衛司法，唔怕強權既決心，唔顧太后同公主既阻攔，請出尚方寶劍，以龍頭鍘（潮劇版本係虎頭鍘）處斬咗陳世美。
精彩選段
編輯京劇版本：【包龍圖打坐在開封府選段】快板
駙馬爺，
近前看端詳，
上寫著秦香蓮三十二歲，
狀告當朝駙馬郎，
欺君王，瞞皇上。
悔婚男兒招東床，
殺妻滅子良心喪。
逼死韓琪在廟堂，
將狀紙押至了爺的大堂上。
潮劇版本：當包拯攞咗白銀三百兩想秦香蓮息事寧人既時候，秦香蓮唱：
……人道你鐵面無私一柱石，卻原來腰骨不硬軟如棉。
人道你為官清正担道義，卻原來官官相護有牽連。
既然堂上無明鏡，你慷慨贈銀也枉然。
我此生願屈死黃泉抱恨終天，……
潮劇版本：包拯俾秦香蓮鬧醒之後唱：
香蓮怒滿腔，包拯血欲燃。
說什麼官官相護，
這無日無天枉我平生稱剛正，
何乃今日志不堅，
我若徇情枉大法，
實愧對腳下黃土，
眼前赤子，頭上青天，……