鎮海樓
「望海樓」跳轉到呢度。想搵海南省海口市嘅一間大酒店，請睇「望海樓大酒店」。鎮海樓（粵拼：zan3 hoi2 lau4），又嗌五層樓（ng5 cang4 lau4）、望海樓（mong6 hoi2 lau4），係中國廣東省廣州市越秀山上面嘅一棟樓。依家佢係專門嚟收集同廣州歷史文物同歷史資料有關嘅場所，呢度入面專門畀人睇下以前嘅廣州係點嘅。呢間嘢嘅全名係廣州博物館（gwong2 zau1 bok3 mat6 gun2）。呢間嘢喺清朝同1986年嘅羊城八景入面，分別攞咗「鎮海層樓」同「越秀層樓」呢兩個名。
| 鎮海樓 | |
|---|---|
| 中華人民共和國 全國重點文物保護單位 | |
 | |
| 喺邊 |  中國廣東省廣州市越秀區 |
| 類 | 古建築 |
| 時代 | 明至民國 |
| 冧 | 7-1275-3-573 |
| 登錄 | 2013年3月 |
| 地圖 | |
 | |
建築
編輯
- 高度：28米
- 層樓數：5層
- 墻色：紅
- 瓦片顏色：綠
- 闊度：26.4—31米（每過一層樓就發現墻嘅闊度減少咗）
- 深度：13.67—15.77米（每過一層樓就發現墻嘅深度減少咗）
- 厚度：
- 山牆：1.65—3.9米（每過一層樓就發現墻嘅厚度減少咗）
- 後牆：1.3—3.4米（每過一層樓就發現墻嘅厚度減少咗）
呢間嘢係被人話咗係「嶺南第一勝」，喺棟樓嘅最上面嗰度就發現咗有「鎮海樓」三個字嘅牌嚮度。喺棟樓嘅兩邊重發現清末嗰陣寫嘅對聯。
史
編輯
喺明朝洪武十三年（1380年）嗰陣，由於個朱亮祖嚟準備將個廣州城整大佢，結果就將宋朝嗰三座城合埋咗一齊，重開發咗城嘅北邊成800幾丈噉多，由於城牆啱号跨過咗越秀山，所以就喺座山上面起咗棟五層樓。由於嗰陣時呢間嘢啱好係睇到好大個海響度，所以咪改咗個名嗌「鎮海樓」囉。呢間嘢雖然話喺14世紀末嗰陣都被人搞咗單火燭或人為破壞。但係間大樓喺明朝嘅嘉靖年間嗰陣重新裝修過，不過到咗清朝，佢就因為三藩之亂嗰單嘢，結果就冧咗；後嚟到咗康熙26年（1687年）又重新裝修過；到咗民國統治嗰陣又被桂系軍閥搞冧咗。到咗1928年重新裝修嗰陣，佢就將棟樓入面嘅木結構，改咗用鋼筋水泥混凝土嘅結構，而磚石牆就用返之前明朝嗰陣嘅料，佢重引入咗石灣彩釉陶燒嚟做瓦脊同瓦角嘅鰲魚裝飾。喺1929年開始，呢度係廣州市市立博物院。到咗1950年就改咗名嗌廣州博物館。1989年6月就加咗入去廣東省文物保護單位（3-27），重喺1996年被人揀咗係廣州十大旅遊嘅其中一度靚景。到咗2013年3月，呢間嘢被定為第七批全國重點文物保護單位。
入面有嘅嘢
編輯
呢棟樓入面有整到廣州歷史入面，成日有到嘅嘢。佢係話咗喺起咗廣州城之後嗰5000—6000年嚟嘅文化、風俗同城市發展嘅嘢。棟樓前面有兩條碑廊響度，佢有每個朝代嘅碑刻，而右邊重有清朝嗰陣留低咗嘅12座砲臺嚮度。呢度係廣州傳統中軸線嘅起點同最高位。
詩篇
編輯幾百年嚟，由於詩人成日嚟咗呢度就話呢度都好犀利下，有關鎮海樓嘅詩有好多，其中陳恭尹寫嘅《鎮海樓》最有影響力：
《鎮海樓》 陳恭尹
清尊須醉曲欄前，飛閣臨秋一浩然。五嶺北來峰在地，九州南盡水浮天。
將開菊蕊黃如酒，欲倒松風響似泉。白首重陽惟有笑，未堪懷古問山川。
文物
編輯俗話
編輯- 肥仔個頭大過五層樓，肥仔隻手佢細過荷蘭豆。
- 唔上五層樓，未到廣州城。
- 唔上五層樓，未算到廣州。
連出去
編輯