開主選單

鎮海樓粵拼zan3 hoi2 lau4),又嗌五層樓ng5 cang4 lau4)、望海樓mong6 hoi2 lau4),係中國廣東省廣州市越秀山上面嘅一棟樓。依家佢係專門嚟收集同廣州歷史文物同歷史資料有關嘅場所,呢度入面專門畀人睇下以前嘅廣州係點嘅。呢間嘢嘅全名係廣州博物館gwong2 zau1 bok3 mat6 gun2)。呢間嘢喺清朝同1986年嘅羊城八景入面,分別攞咗「鎮海層樓」同「越秀層樓」呢兩個名。

鎮海樓
中華人民共和國
全國重點文物保護單位
Zhenhailou.JPG
喺邊 Flag of the People's Republic of China.svg 中國廣東省廣州市越秀區
古建築
時代 民國
7-1275-3-573
登錄 2013年3月
地圖

建築

 
鎮海樓最上面嗰度嗰嚿牌
  • 高度:28米
  • 層樓數:5層
  • 墻色:紅
  • 瓦片顏色:綠
  • 闊度:26.4—31米(每過一層樓就發現墻嘅闊度減少咗)
  • 深度:13.67—15.77米(每過一層樓就發現墻嘅深度減少咗)
  • 厚度:
    • 山牆:1.65—3.9米(每過一層樓就發現墻嘅厚度減少咗)
    • 後牆:1.3—3.4米(每過一層樓就發現墻嘅厚度減少咗)

呢間嘢係被人話咗係「嶺南第一勝」,喺棟樓嘅最上面嗰度就發現咗有「鎮海樓」三個字嘅牌嚮度。喺棟樓嘅兩邊重發現清末嗰陣寫嘅對聯。

 
觀音山城牆同鎮海樓
 
1931年嗰陣嘅鎮海樓

明朝洪武十三年(1380年)嗰陣,由於個朱亮祖嚟準備將個廣州城整大佢,結果就將宋朝嗰三座城合埋咗一齊,重開發咗城嘅北邊成800幾丈噉多,由於城牆啱号跨過咗越秀山,所以就喺座山上面起咗棟五層樓。由於嗰陣時呢間嘢啱好係睇到好大個海響度,所以咪改咗個名嗌「鎮海樓」囉。呢間嘢雖然話喺14世紀末嗰陣都被人搞咗單火燭或人為破壞。但係間大樓喺明朝嘅嘉靖年間嗰陣重新裝修過,不過到咗清朝,佢就因為三藩之亂嗰單嘢,結果就冧咗;後嚟到咗康熙26年(1687年)又重新裝修過;到咗民國統治嗰陣又被桂系軍閥搞冧咗。到咗1928年重新裝修嗰陣,佢就將棟樓入面嘅木結構,改咗用鋼筋水泥混凝土嘅結構,而磚石牆就用返之前明朝嗰陣嘅料,佢重引入咗石灣彩釉陶燒嚟做瓦脊同瓦角嘅鰲魚裝飾。喺1929年開始,呢度係廣州市市立博物院。到咗1950年就改咗名嗌廣州博物館。1989年6月就加咗入去廣東省文物保護單位(3-27),重喺1996年被人揀咗係廣州十大旅遊嘅其中一度靚景。到咗2013年3月,呢間嘢被定為第七批全國重點文物保護單位

入面有嘅嘢

 
鎮海樓入面嘅砲台

呢棟樓入面有整到廣州歷史入面,成日有到嘅嘢。佢係話咗喺起咗廣州城之後嗰5000—6000年嚟嘅文化、風俗同城市發展嘅嘢。棟樓前面有兩條碑廊響度,佢有每個朝代嘅碑刻,而右邊重有清朝嗰陣留低咗嘅12座砲臺嚮度。呢度係廣州傳統中軸線嘅起點同最高位。

詩篇

幾百年嚟,由於詩人成日嚟咗呢度就話呢度都好犀利下,有關鎮海樓嘅詩有好多,其中陳恭尹寫嘅《鎮海樓》最有影響力:

《鎮海樓》 陳恭尹

清尊須醉曲欄前,飛閣臨秋一浩然。五嶺北來峰在地,九州南盡水浮天。

將開菊蕊黃如酒,欲倒松風響似泉。白首重陽惟有笑,未堪懷古問山川。

文物

  • 城防大砲:包括明朝嘅崇禎年到清朝中嘅鴉片戰爭嗰陣,廣州地區整嘅防衛大砲,依家放嚮鎮海樓西邊嘅砲座嗰度,附近重有嚿牌。

俗話

  • 肥仔個頭大過五層樓,肥仔隻手佢細過荷蘭豆
  • 唔上五層樓,未到廣州城。
  • 唔上五層樓,未算到廣州。

連出去