鎮（粵拼：zan3）係中華民國嘅第三級政區。
喺中華民國，鎮同縣轄市、鄉一樣，係臺灣最底下嘅政區。1999年1月25號公佈《地方制度法》，其中第三條規定鎮位於縣之下（而縣隸屬省呢個一級政區）。
不過呢部法規無明確規定建制鎮嘅設置標準，所以一般沿用1999年之前嘅舊標準，不過鎮嘅合併就要依法重新規劃。通常鎮繁榮過鄉，不過一啲成立得早啲嘅鎮會因為產業沒落，反而家下人少過鄉。比如舊時臺北縣瑞芳鎮（今日嘅新北市瑞芳區）曾經以礦業盛極一時，家下啲礦挖曬後，啲人散曬，反而開初人口少過佢嘅鄉（比如土城、中和）重早過佢升為市（縣轄市）。（提點下，2010年臺北縣升為直轄市新北市嘅時候，臺北縣舊轄嘅縣轄市、鎮、鄉都變曬做市轄區。）
另外，高雄縣林園鄉試過想改制爲鎮，不過失敗咗，後來高雄縣同高雄市合併，佢就變咗做市轄區（林園區）。
