鐘形罩

鐘形罩（英文：bell jar）係物理學上有陣時喺實驗嗰陣會用到嘅架生，攞嚟罩住啲嘢，然後做實驗嘅人可以（例如）用泵等嘅方法抽走個罩入面啲空氣，就可以研究啲嘢喺真空之下嘅行為。

呢個鐘形罩罩住咗支蠟燭。

例如攞個鐘形罩罩住嚿發出緊聲嘅物體（好似係鬧鐘），再抽走個罩入面啲空氣，就會發覺唔再聽到嚿物體發出嘅聲－表示咗聲係要透過空氣等嘅介質先可以傳播到嘅。