鐵托
鐵托（Josip Broz Tito，1892年5月7號—1980年5月4號），係南斯拉夫嘅政治強人，用威權手段統治咗南斯拉夫36年。
佢嘅統治手法，俾人叫做「鐵托主義」，史太林統治蘇聯嘅年代，蘇聯將「鐵托主義」定性做「修正主義」。「鐵托主義」嘅特點係：
- 工人自治：工人通過民主方式管理工廠嘅生產資料（土地、勞動、資本、企業精神），同西方嘅管理層控制生產資料，廠長負責決策，部門主管管理生產線嘅做法唔同。
- 身份認同：南斯拉夫係由六個社會主義共和國（馬其頓、塞爾維亞、波斯尼亞和赫塞哥維納、克羅地亞、斯洛文尼亞、黑山）組成，所以鐵托必需強調南斯拉夫人身份認同嚟掌控國家。
- 唔依附蘇聯：因為蘇聯曾經喺鐵托最需要嘅時候拋棄咗鐵托嘅遊擊隊，而二戰期間付出沉重代價、靠自己對抗納粹德國佔領，二戰結束之後，史太林將光復南斯拉夫嘅勝利完全歸功於蘇軍，再加上南斯拉夫同蘇聯喺意識形態上嘅差異，所以鐵托唔想同蘇聯走得太近。
- 唔結盟運動：1956年7月，鐵托同印度總理賈瓦哈拉爾·尼赫魯、埃及總統納薩喺南斯拉夫開會，會後嘅共同宣言表明：反對「將世界分成強而有力嘅國家集團」，呢個會係唔結盟運動嘅開始。
1980年5月4號，鐵托因病去世，享年88歲，結束咗37年嘅南斯拉夫總統職務，但係，佢嘅政治影響一直去到1992年南斯拉夫解體。
 |