鐵皮屋係一種屋，用大鐵片做外牆。鐵皮做建材有幾種物料，包括星鐵鐵板、不鏽鋼板材咁，有厚有薄幾款。
用鐵皮起屋有一個好處，就係建築成本夠平，工序簡單，可以即起即住。不過鐵皮屋易生鏽、漏風、漏雨、唔隔音（冇私隱）、空氣焗，尤其夏天大熱天時，同埋打風季節，行雷閃電。
鐵皮屋未必即係寮屋，有建築師設計嘅鐵皮屋，會用不鏽鋼、油防鏽油漆、加防漏膠、隔音層、隔熱料、加24小時冷氣、加避雷針咁。呢種特製鐵皮屋唔係平價貨，有錢人有幅地，例如私人別墅都會起返間當車房又得，當倉庫都得。以前香港有位名人香灼璣都有一間，嚮2006年8月上過報紙頭條新聞添，佢嗰間鐵皮屋唔係貧民窟個種貨色。
