鐵達尼二號

  提示：呢篇文講嘅唔係鐵達尼號 (四川)。

鐵達尼二號（英文：Titanic II）係為咗紀念鐵達尼號沉咗100年之後，整出嚟嘅一部新嘅遊輪。呢部船係由澳洲嘅礦產工業富翁——克里夫•波瑪同埋中國江蘇省南京市嘅的長航重工金陵船廠準備合作嚟整嘅其中一部豪華嘅郵輪。呢隻船喺2012年4月20號，澳洲嘅藍星國際航運公司同埋中國嘅長航重工金陵船廠簽咗份合約。到咗2013年2月16號就成立咗課題研究班嚟開始整船。

船嘅性質

呢部船嘅長有269.06米，闊有28.19米。呢部船雖然話係用返 1:1 嘅比例嚟恢復返以前鐵達尼號嘅嘢同埋個樣，但係會用啲現代化嘅導航同埋安全嘅裝置嚟裝柴油嚟行嘅船。而部船身係用咗焊接嘅方式嚟裝嘅，而船嘅前面就爲咗慳油就改咗圓形。

落水啟航

原計劃響2016年落水行船，但已經宣佈押後。條航線將會按返以前1912年行嘅鐵達尼號條線噉行。佢係從英國嘅修咸頓開始，一直去到美國嘅紐約市為止。