長板
長板係滑板運動嘅一種，由滑浪演變出嚟。由於滑板比較寬同長，初學者較容易平衡上手，而且比一般滑板玩法多，可大概分為Downhill、Freeride、Dance、Freestyle及Cruising。
結構 編輯
長板嘅結構同滑板可以話係幾乎一樣，主要包含板面（Deck）、支架（Trucks）、啤令（Bearings）同埋轆（Wheels）。當中重有Bushings、Pivot cups、Washers等可以對長板作出微調。
板面 編輯
板面係長板最重要嘅部份，玩家會係板面上面滑行。長板嘅板面一般闊大概9-10吋，長37-50吋。長板板面有好多唔同外形，包括有kick tails，drop-through等等，板形往往決定塊長板嘅玩法。例如衝浪板形狀嘅板多數用喺下坡，具有double kick tails嘅板多會用嚟玩dance同freestyle。
板面製作冇特定嘅材料，當中有竹、玻璃纖維、碳纖維、膠等等多層組成。
長板板面上極多時候會貼上砂紙或噴砂，以增加鞋同板嘅摩擦力，更容易抓住長板。除咗Dance同少數freestyle板為咗方便喺板上做出走板或轉身動作，會選擇只喺tails兩邊貼上少量砂紙。而Downhill板，Crusier等多會貼上全塊砂紙方便做出slide等動作。
支架 編輯
支架連接住板面嘅底部同埋轆，普遍一塊長板配有1對，主要用嚟決定長板嘅轉向幅度同流暢度，160mm及180mm闊係最普遍。支架又可分為普通支架同精準支架，而支架上嘅轉向軸（Kingpin）又可以分為標準（Standard Kingpin）同逆向（Reverse Kingpin）。支架可以喺結構上分為底座（Baseplate）同T型架（Hanger）。唔同牌子嘅長板支架嘅用料、角度、適合玩法唔同，有啲支架對轉向反應快啲，有啲就慢啲。
Bushings 編輯
Bushings係一粒有軟硬之分嘅圓形膠，中間有一個圓形嘅窿，用嚟固定喺Kingpin之上，bushings有好多種類，但最常用係Cone同Barrel。一個支架一架配備2粒bushings，一粒位於支架較上位置（Top Bushing），另一粒就喺較落（Lower Bushing）。Bushing兩端有各有一塊金屬製Bushing cup。
Bushings軟膠軟硬好影響長板轉向幅度，較軟令支架轉向較大，較硬令支架轉向較細，較難轉彎。值得注意的是底面Bushings或2邊支架bushings不一定要相同。
Pivot Cup 編輯
Riser 編輯
Riser係位於Deck底部同支架Baseplate之間嘅一塊膠，用嚟將長板墊高。Riser唔係長板嘅必要配件，通常用嚟避免啲轆過大所引致嘅wheel bite情況。
啤令 編輯
長板每個轆都會有2個啤令長板嘅轆可以得順暢。啤令之間會放Spacer（一個小鐵圈）填滿中空位置，固定啤令。而有另一款叫Built in bearings就有一個突出位置取代咗Spacer嘅功能。
另外，一般啤令都會有防塵塞喺面，唔畀啲塵黐到啤令嘅珠。