長生殿
《長生殿》係清朝早期劇作家洪昇（公元1645年—1704年）喺公元1688年（康熙二十七年）寫好既劇本，佢參考咗唐朝詩人白居易既長詩《長恨歌》、陳鴻既傳奇故事《長恨歌傳》同埋元朝劇作家白樸既雜劇《唐明皇秋夜梧桐雨》（簡稱《梧桐雨》），講咗個是唐玄宗同埋楊玉環（楊貴妃）兩個人既愛情故事。佢喺原來既題材上發揮，演繹咗兩個重要既主題：第一，加入咗當時既社會同埋政治方面既元素；第二，改造同埋充實咗個愛情故事既內容。
.jpg)
.jpg)
《長生殿》全本總共有五十齣，體制宏大，演出壯觀，涉及人物眾多，有唐玄宗同埋楊玉環呢啲皇室貴族、有雷海青、樂師李龜年呢啲唔怕強權既人，亦有安祿山、楊國忠等反面人物，仲有仙界人物。俾清朝順治帝讚佢係「真才子」同埋俾康熙讚佢係「老名士」既尤侗對《長生殿》既評語係：「計其離合姻緣，備極人生哀樂之至」[1]。
創作背景
編輯清代初期，好多文人喺佢哋既作品度影射同埋探索明朝滅亡既教訓，吳偉業既《秣陵春》、洪昇既《長生殿》同埋孔尚任既《桃花扇》就係代表作。《長生殿》重點描寫咗唐朝天寶年間皇帝李隆基同埋楊貴妃兩個人過度淫侈既生活，最終俾國家帶嚟咗巨大既災難，導致王朝幾乎覆滅。劇本雖然譴責咗唐玄宗既窮奢極侈，但係同時又表現咗對唐玄宗同埋楊貴妃既愛情既同情 --「借太真外傳譜新詞，情而已」，作品既後半部仲寄託咗對美好愛情既理想，可以睇得出《長生殿》喺前後主題思想方面，雖然有矛盾既地方，但係亦都曲折咁反映咗明末作家對「愛情」同埋「亂世」思想既融合。
劇情梗概
編輯個古仔講唐玄宗寵倖佢既貴妃楊玉環，成日顧住同佢一齊玩，將佢既族兄楊國忠封做右相，將佢既三個姐妹都封做夫人。但係後來唐玄宗又去寵倖楊貴妃既妹妹虢國夫人，又私召梅妃，呢啲嘢令到楊貴妃好唔開心。不過最終兩個人都係和好，仲喺七夕嗰夜喺長生殿對住牛郎織女星發誓話佢哋兩個永遠都唔會再分開，呢個古仔就係白居易《長恨歌》裏面講既「七月七日長生殿，夜半無人私語時」。為咗討楊貴妃開心，唐玄宗花費咗大量人力物力，千里迢迢咁喺南方採集新鮮荔枝，送俾楊玉環。
因為唐玄宗成日同楊貴妃玩，唔理政事，又寵信楊國忠同埋安祿山，後嚟安祿山造反，唐玄宗同埋隨行既官員逃離長安。到咗陝西既馬嵬坡，好多官兵都強烈要求處死罪魁禍首楊國忠同埋楊貴妃，唐玄宗迫不得已，叫楊貴妃上吊自盡。
唐玄宗成班人去到蜀既時候，好掛住楊貴妃，於是叫木匠用榛旜檀香雕個楊貴妃像，供奉喺錦水祠，仲對住個雕像係咁喊。
楊貴妃死咗之後，佢既靈魂好後悔，馬嵬坡土地公幫佢同天孫織女求情：「馬嵬坡少一個苦遊魂，蓬萊山多一員舊仙侶」，天孫織女說：「既悔前非，諸愆可釋」。
公元763年（唐代宗廣德元年），郭子儀帶兵平定咗安史之亂，唐玄宗返番去長安之後，成日都諗住楊貴妃，好鬼傷心，於是派咗方士去海外揾蓬萊仙山，最終感動咗天孫織女，令到佢哋兩個喺月宮裏面可以團圓。
藝術特點
編輯呢部劇本採用咗五代後周王仁裕寫既筆記小說《開元天寶遺事》既故事大綱，以李楊既愛情做古仔既主線，穿插咗社會同埋政治既演變。一方面，歌頌李楊「精誠不散」既愛情，另一方面，又如實咁反映出李楊愛情所造成既嚴重後果。
喺音律方面，洪升得到咗蘇州音樂家徐靈昭既幫手，令到啲曲好合韻，曲調又柔美，好適合舞台表演用，佢既風格亦同啲人物、場景配合得恰如其分。
好似吳梅講既：「取天寶間遺事，收拾殆盡」，例如楊貴妃飲醉酒之後嗰段用咗《南撲燈蛾》呢首曲「宛然一幅醉楊妃圖」；郭子儀唱用北曲雄渾激昂，所以《長生殿》一開始演出，就立刻好轟動，「一時朱門綺席，酒社歌樓，非此曲不奏，纏頭為之增價」。北京城裡面幾乎家家戶戶都會唱《長生殿》既其中一啲唱段，就好似吳舒鳧講既咁「愛文者喜其詞，知音者賞其律，以是傳聞益遠。蓄家樂者攢筆競寫，轉相教習。優伶能是，升價什佰。他友游西川，數見此演，北邊、南越可知已」，《長生殿》既一啲片段俾各種劇種既劇作家改編，例如梅蘭芳既京劇《貴妃醉酒》。
洪晚年
編輯公元1689年（康熙二十八年），洪昇因為喺佟皇后既喪期內，仍然繼續演出《長生殿》，俾康熙革咗職，要佢返鄉下，呢單嘢仲連累咗五十人左右，包括查嗣璉等。公元1704年（康熙四十三年）六月初一，洪昇喺浙江吳興，夜晚飲醉酒，落咗落水，浸死咗，呢啲就係所謂既「可憐一曲長生殿，斷送功名到白頭」。
參考文獻
編輯- ↑ 〈情緣總歸虛幻— 《長生殿》的「情」觀〉 (PDF)。中央研究院中國文哲研究所。原著 (PDF)喺2023年12月5號歸檔。喺2023年12月5號搵到。
延伸閱讀
編輯
外部連結
編輯- 王璦玲：〈情緣總歸虛幻——《長生殿》的「情」觀
- 王璦玲：〈評點、詮釋與接受──論吳儀一之《長生殿》評點